Ŋgàn 13:11 - ŊWÀʼ NYÙY

¹¹ Wìr wo wù gìrìn gírin, e bóo koóy káv, káv vəə́ kù wíy taʼrí, e lày, a wìr wo wù báʼti kfə́ kéŋ ji weè weè dzə̀ wo wù wíy a ker káv.

Ŋgàn 13:11 Referans Kwoze

Ŋgàn 20:21

A wìr gìtì, e yì vitsə́ʼ, a bó yòʼ sì ghán, bo kí yòʼ wíy dù réŋ.

Ŋgàn 10:2

Vikuʼùy vee koóy é dzəə ye bi ví yòʼ kér séʼ, yii bèy, yúnín Nyùyi dzə̀ wùn à dzəʼə̀m ye dáa.

Ŋgàn 28:8

Wìr wo wù kuʼùr káv və́ a dzə̀ fó seʼ mbóʼmé, kù báʼti a dzə̀ bùʼ wo wìr wo sən yíi lì, e sham ŋgaà kitàn sho.

Ŋgàn 28:22

Ŋgaà vikaàmè kù yii búʼ kfə́ ji wun kuʼ cér, a bó wù yòʼ kì ji wun kù yíi jòʼsì a dzə̀ é kitàn.

Ŋgàn 28:20

Wìr lóo suúy kinyo, lóo tiy a dzə̀ e kíwun ki, Nyùy wàa səə̀vì wun. Wìr wáa tàʼ vikuʼùy vee cércér, bo yòʼ dzə̀ wù bòy fó ŋgeʼlàʼ.

Jeremia 17:11

Wìr wo wù kooyin káv e dzəə̀ kinshwìv, wù dzə̀ moo shinə́n she shí kay wúm ye yòʼ dzəə̀n rə́. Wù tóʼ dzəʼə̀m e ntìntìn, kávi nèn mày. Dzəʼə̀me lóo mày, wù nèn kfə̀n ji kiyúŋ.

Nsùyrì Nyùy 128:2

Wù yíi yu vijuŋ fo wun lìm ye wù lìmèn. Wù yíi a ker vikuʼùy, a sheʼrí.

Ŋwàʼ Jov 20:15

Wù sum mbàm, kù mo wìr mèy vifá ve yi, a sí yòʼ yíi ndzə̀ytì e bvə̀m wo, Nyùy kù yíi yiì, é wù suʼ sidzə̀m.

Ŋgaà Tàrvìnyò 5:14

Vishí vi bír wun, kávi mày. A wù kér wán, la wù yòʼ kfə̀n a ker vitsə́ʼ vée màʼtì sho.

Ŋgàn 13:10

Kiŋkoʼòrwùn kí fəər a dzə̀ kitáŋnìn, a wìr wo wù kér vifií dzə̀ wo wù yú ntir.

Ŋgàn 13:12

Wìr lóo yaŋrí kifá, kí lóo ndzə̀y, wù wàa rəə́y, kooyì, wù wàa sàvnìn.

Ŋgàn 21:6

Vikuʼùy vee shwìv kinshwìv, e kòóy, vi dzə̀ moo mbàʼŋkfəə́mé ye yì lo, yì ŋeèmé, e lày, a dzə̀ kitám ke wìr ve á jum kpú yév.