Ŋgàn 13:10 - ŊWÀʼ NYÙY

¹⁰ Kiŋkoʼòrwùn kí fəər a dzə̀ kitáŋnìn, a wìr wo wù kér vifií dzə̀ wo wù yú ntir.

Ŋgàn 13:10 Referans Kwoze

Ŋgàn 19:20

Yuúrí ntir, e səə̀sí naarìi, à wíy lóo dzə̀n, áà wáa dzə fií.

Ŋgàn 17:14

Kinyam ki keʼè, kí wàa dzə moo lav ye yì shémé, kí ghèén ji á táv, e sə̀r fo melaà mè nəə́ shó.

Jeem 4:1

Afə̀r vem, kinyo ke kí yii, bo vèn wáa lò, a taŋnín, a fùnèn ki dzə̀ ka? Kù dzə̀ bìʼ fo vèn kér shií fó vinyò ve mensə́ mè lim e věn wùn, báyir melív men.

1 Timoti 6:4

bo ŋgaàŋ raʼsì a dzə̀ wún kisáŋ ji wun kì vinyo, a bó wù yòʼ kì tsə̀r gheéy. Wìr woo ben lo, wù wàa jòy a dzə̀ mbìʼ, a taŋnín e kinyò là ndzə̀n. Wíri nèn a ghèʼnìn, a bvəərí, a duu viduú. Wìr lo, wù nèn a leéy wír e sí ye bií.

Ŋwàʼ Luk 22:24

Áwune nèn lò, e kèʼ, a bìʼ ji sà dzə̀ la wír wo kuʼùn aáwuné mvəm á?

Ŋgàn 25:8

lá à yòʼ a tav a dù sho e lav nsaʼ. A ŋgaà shweèsi wò yiì dù, e shòór wò, à lo fo bàm, áà yée le?

Ŋgàn 21:24

Ŋgaà kiŋkoʼòrwùn, à ŋgaà kiràʼsìwùn, yírí kù dzə̀ ŋgaà jàʼ, njiìn və e dzə̀m kù dzə̀ wùn à kiŋkoʼòrwùn kí.

Ŋgàn 20:18

Á tír wír, wù bà ntaŋ wo juŋ, tírí, é bo wù kiíy móo taŋ rə́r.

2 Afòn 14:10

À fùnèn ne, e ghàʼ Edom, e nèn a koʼór wún. Á dzə e laʼ, a sheʼrí a dzə̀ ton ye à fùnèn Edom, e tòne. À taʼ shuu wo dzə̀ wú wìy e ŋgeʼ si e vèn à Juda kitu bèn bìʼ ka?»

1 Afòn 12:16

Wír veé Isray adzə̀me yén ji fòn yoʼ biìmé a kinyo kév, e nèn sùúy e fòn jii: «Vèr kér ka e Davir mvə̀m kfəə? Vèr yòʼ kér kilíŋ e wàn Jessi mvəm. Éè wìr veé Isray, wír a e wun kibàn. Kfə́ə Daviri wáa leey rì fo rə́ə yee lav.» Á bèy, wír veé Isray veé mbìv yee kuyi nèn kfə̀nkír aáwuné melaʼ.

Atǎr Nsaʼ 19:30

Á bèy, wìr dzə̀m wo wù‑uù yenen kinyo ke vé kiŋàʼa‑aà yiìn wáa suúy jii, «Kfə́ə kinyò kee ben, ki yòʼ‑oò ghàn ne a e kòóy. A bó wìr yòʼ‑oò ghàn ne yèn á rə́mrə́m kinyò kee bèn, e kèʼ mo wír veé Israyi‑iì fəən á fo Ejiv, e meé e kishiíy fóo fèy. Á kwaʼti á kinyo ke a dzə̀ á yiì kí, e sùúy.»

Ŋgàn 13:9

Wìr yúnin Nyùy, wù wàa dzə moo kikaʼày ke kí bán kijuujùŋ, a wo wù méŋ Nyùy dzə̀ kfə́ moo kikaʼày ke kí sí ndzə́menè.

Ŋgàn 13:11

Wìr wo wù gìrìn gírin, e bóo koóy káv, káv vəə́ kù wíy taʼrí, e lày, a wìr wo wù báʼti kfə́ kéŋ ji weè weè dzə̀ wo wù wíy a ker káv.

Ŋgàn 28:25

Bòŋáyimo kù yii taʼ kfə́ a dzə̀ melaà, a vikuʼùy ví kù yii nəə wír wo wù wayin shilív e Nyùy Tǎr wùn nəə́n.