Ŋgàn 12:8 - ŊWÀʼ NYÙY

⁸ Wìr lóo yiì vinyo ve ví kér vifií, wíri wàa burí wun. Wìr lóo yiì kinyo kee là vifií, wíri wàa kay wun.

Ŋgàn 12:8 Referans Kwoze

2 Korin 10:18

A kí dzə̀ jii, a wìr lò, a suúy a dzə̀ kitú kfə́, la wíri yòʼ a yen. Vitaáví vé Nyùy vi lóo yensín e wìr lìm, á nèn a yen.

1 Korin 4:5

Mo kí dzəə̀n bey, bo kí yoʼ ghèén ji vèn wáa sayrí kinyo ke wìr, a tav, a toʼ mo vèn yén, a kí dzə̀. Wíy lóo dzə e ghan se Tàr wòsən Jesus Kristu wíy kfən, é bo din wun mo kí dzəə̀n. Wù wíy fəə́r vinyo ve ví dzəə̀n lèn e kilìr vidzə̀m fo meranén, e kfə̀n dìn vinyo ve wíri kwaʼtì aáwuné meliv. Wù yii bèy, é nèn a sheʼrí Nyùy wír réŋréŋ mo kinyo kfə́ kí dzəə̀n.

Lim Aŋgàa Ntum 12:23

Nshìylav Nyùy Tàr ku nèn màʼ yàsí e fòn wùn, bìʼ fo wù yòʼ‑oò lo siìr búrí yee shooy a dzə̀ e Nyùy. Menshun mè kèʼ, a kfər vitó fo fo, wù kpú.

Ŋwàʼ Luk 16:8

Ŋgaà lìm və̀y shwìvrì tàr wov bey, wù wìy yèn, e kù yòʼ bìnsí jii, ‹Jwè və̀n fìír feyì.› » Jesus nèn a màysì jii, «Dzə̀ rú, wír veé ndzə fène fìír e vinyò ve áwune yii, e shaà mo wír Nyùyi fiir e vév vee vinyo vi.

Daniel 12:2

Màŋgòŋ wo wù buúne lèn e sày wíy fəə fo kpu, aámóʼó nəə́ é dzə̀ʼə̀m yee là may, aámóʼó nəə́ é nshoórmé wùn ǎ nshéʼmé woo là may.

Ŋgàn 5:23

Mo á sər, a bó wù yòʼ yú, bo kù dzə̀ fo kpú rəə́ yíi lò, é kiyúŋsì kfə́ ki yii, é wù bívír kitú kfə́, e bìr ŋkuuŋkùŋ.

Ŋgàn 3:35

Á kù wíy a ghvəm wír wo wù kér vifií ve ví loòn fo Nyùy, a bó kiyúŋ kí yòʼ wíy a ker kifá, e shaà nshoórmé.

Ŋgàn 1:26

bo ŋgeʼ si yíi nəə́ ven, é m wáa sheʼ ven shéʼén. Vèn yíi a fàn, a yàʼ, é m wáa te a dzə̀ lám.

Nsùyrì Nyùy 132:18

M wíy màʼ aŋgaà və́ vibàn, e shoór áwune, yii bèy, a vifon və́ ví kù wíy a kuy, a dù duùn fó mbìy.»

Kèʼlo 41:39

Fòn suúy e Joosev jii, «Mo Nyùy yiìn ne, à kiíy nsàv njèm se sí‑iì shiin mo, wìr yòʼ dzə̀ shó wo dzə̀ wù tàr kinyo kijuŋ, e kfə̀n a ker vifií moo wò.

1 Samuel 25:17

Ku kwàʼtì, e yèn ó sa ji sà dzə̀ á yèe le á, bìʼ fo a dzə̀ kinyo kìn kí wìy e ŋgeʼ si e tàr wor wùn à kfə́ə rəə́ kitu. Wù dzə̀ kfə́ə wìr wo bó wìr yòʼ suuy kinyo sho, wù yù.»

1 Samuel 18:30

Ghán sin, wír veé Filistiàa kù‑uù lo, á wàa fəə, a màʼ rə́r. Fo rər sidzə̀m se vé‑eè maʼà, Davir kù‑uù tòn áwune tónen e shaà vilìmbìy ve rər vé Saul vímóʼ ví. Yír Daviri ku nèn a dù, á wáa kiiynín wun feyì ji wír wo tavín.

1 Samuel 16:18

Wánlè ntoʼ wùmòʼ suúy jii, «Jessi woó ŋkàlaʼ Betlehem kér wán woo lumèn, a wù kì móo kùm lúŋ kijuŋ. Wù dzə̀ wánlè nsùm, a wù kér shilív she tavín shí, a kfə̀n dzə̀ wir rə̀r. Wù càʼ e kisuŋnìn, e kfə̀n bòŋ fo si, a Nyùy Tàr dzə̀ wùn wun.»

1 Samuel 13:13

Samuel suúy jii, «À yiì a dzə̀ kiyúŋ ké kinyò. À yoʼ lò yùnín nsər ye Nyùy Tàr woo Nyùy won foon e wò. A dzə̀ ji à waà kì yùnín, bo à kì wíy a saʼ Isray ghán sidzə̀m.

Ŋgaà Tàrvìnyò 8:1

Dzə̀ la moo fií? Dzə̀ kìíy la móo toʼtí nsàv se vinyò? À yén fií, à kìíy fo wun vishi ve bvərkìn ví, à fo wun rər se sí kúvsinè.

Ŋgàn 12:7

Nyùy laar dzəʼə̀m wìr ve á méŋ wun, bo kév kí kù mày ne, a melav me wìr ve á yii mo Nyùy taʼà mè kù tíy fo ji ŋkǐŋ.

Ŋgàn 12:9

Bòŋ ké wìr wo wù kér kéŋ shishàr, wù kù kér wánlè lìm və, e shaà ké wìr wo wù kóʼor wún, shiiy e jìŋ.

Ŋgàn 29:27

Wìr wo wù yú Nyùy yòʼ yii tíy e wìr wo wù méŋ Nyùy kinyò, yii bèy, a wìr wo wù méŋ Nyùy nyaysì ké wìr wo wù yú Nyùy, nyáysin.

Aysaya 19:14

Nyùy Tàr bvə̀ə́r ne vifií vé atǎr saʼ veé Ejiv, á tóvsín woŋ, vinyo vidzə̀m vi dú kintéŋ, wíri wáa tùŋkìr moo mfoòkìnó wo wù màʼàn, a lèrìr, a to sho.

1 Samuel 2:30

Yú ke Nyùy Tàr, Nyùy wìr veé Isray suuy e wò ki. Mò‑oò lo kàʼ rú ji kfə́ə yée wíy a lìm fo mò ghán sidzə̀m ji atàá cù mo rám yée wíy a dzə. Yii bèy, yú ke Nyùy Tàr suuy lèn ki. Bó kí yòʼ dzəə́ yìi koóy bèy. M sí yiì a nàn wír ve á ghvə́m mo, a sèn wír ve á ŋwáy mo.