Ŋgàn 12:7 - ŊWÀʼ NYÙY

⁷ Nyùy laar dzəʼə̀m wìr ve á méŋ wun, bo kév kí kù mày ne, a melav me wìr ve á yii mo Nyùy taʼà mè kù tíy fo ji ŋkǐŋ.

Ŋgàn 12:7 Referans Kwoze

Ŋgàn 11:21

Á kiíy ji á kù wíy màʼ ŋgeʼ e ŋgaà yiì ye bií kitu, a wìr wo wù yú Nyùy kù wíy shaàrì.

Ŋgàn 10:25

Kinsəm ki kù baʼ a dzə̀ wír wo wù méŋ Nyùy, a wo wù yúnin wun, tíy kfə́ kitávín ji ŋkǐŋ.

Ŋwàʼ Jov 11:20

Yii bèy, a wír ve bií yòʼ wíy a ker fó neèr shwín. Dzəə̀ ye a dzə̀ áwune wìy bàʼàr ŋgeʼ sho yòʼ dzə̀ə́. Bó áwune yòʼ kfə̀n tiir vifií é kinyò, e shaà ji kpúu li áwune.»

Esta 9:14

Fòn ku nèn biìmé, á fəə́r sáʼ yee shooy e ŋkàlaʼ yee Susa. Á fəə́r, e nèn lì dzə́n sé wón Haman see ghvə̀m, e sə̀ŋ é kici.

2 Samuel 7:26

é wíri fíʼ a wùʼsì yír yé ghán sidzə̀m, a kwa jii, ‹Nyùy Tàr woo Taà Mànjòŋ, dzə̀ wun Nyùy wo wù kér wír veé Isray. Rúrú, à kù wíy kìŋsìn rám ŋgaà lìm wò woo Davir, é ŋgaà saʼ wáa fəə fo fo ghán sidzə̀m.›

2 Samuel 7:16

Rám yée kù wíy a dzə fo ghán sidzə̀m, é sáʼ yée wáa tiy fo là may. Kàvàʼ wò kù wíy a tiy fo ŋkuuŋkùŋ.› »

Ŋgàn 15:25

Nyùy Tàr saʼtì lav wìr wo wù ŋaʼà, kiŋsìn kéŋ wiíy ŋkfə kíŋsin.

Ŋgàn 14:11

Wìr lóo tiy réŋ e Nyùy kinyò, lav rə wàa kuy, wìr méŋ Nyùy, lav rə bvəə̀rí.

Ŋgàn 14:1

Wiíy woo fií baʼrì nsaàlav rə, a woo kiyúŋ sàʼtì rə́ə e wóo.

Nsùyrì Nyùy 37:10

Bèr shishàr, áà yén, a wír ve á méŋ Nyùy Tàrí yòʼ dzə̀ə́. Aà fə̀m taʼ fo fèé, bó yòʼ dzə̀ féyì à yèn.

Ŋwàʼ Jov 34:25

Wù yii sə́ sáʼ fo atǎr saʼa vitsə́ʼə́. Wù sə́, wù fòtì áwune, bìʼ fo wù kiìn mo áwune lóvti.

Ŋgàn 12:8

Wìr lóo yiì vinyo ve ví kér vifií, wíri wàa burí wun. Wìr lóo yiì kinyo kee là vifií, wíri wàa kay wun.