Ŋgàn 12:5 - ŊWÀʼ NYÙY

⁵ Wíri yúnin Nyùy, á gwàrìr vinyo ve réŋ ví. Wíri méŋ Nyùy, á wàa tiy a dzə̀ é kimboʼtì.

Ŋgàn 12:5 Referans Kwoze

Aysaya 55:7

Wír ve á méŋ Nyùyi ku màʼtì liì wov kisaŋ, é wír ve bií maʼti kwaʼtì sév sé kisaŋ si. Áwune ku kfə̀n é bàm e Nyùy Tǎr wùn, é wù fiʼ shàm áwune. Á ku kfə̀n e Nyùy wòsə́n wùn, bìʼ fo wù yíi làysìn ajay vév, e làa yòʼ kìm wùmòʼ.

Nsùyrì Nyùy 139:23

Éè Nyùy, tàr mo, e kìíy kinyo ke kí dzəə̀n e mǒ shiliv kí. Taásín mo, e kìíy kwaʼtì yémé.

Jeremia 4:14

Éè Jerusalem, vèn su vinyo ve bi ví fo věn meliv, e fíʼ lùŋ. Vèn wíy keerí kwaʼtì ye bií ben, e wìy dù, e meé e le?

2 Korin 4:2

e shàʼnín dzə́ə sé kisaŋ si sidzə̀m. A bó vèr yòʼ lévti wíri lévtín, a bó yòʼ dzə̀ sá vèr tòyír ntum Nyùy rə̀n. Vèr kù rə́si fiʼtì a dzə̀ kíwun kee kinyo kimòʼón, kiiy ji dzə̀ á vèr à Nyùy, a wìr dzə̀m yú, bínsi ji dzə̀ á kinyo ke ru kí.

1 Korin 4:5

Mo kí dzəə̀n bey, bo kí yoʼ ghèén ji vèn wáa sayrí kinyo ke wìr, a tav, a toʼ mo vèn yén, a kí dzə̀. Wíy lóo dzə e ghan se Tàr wòsən Jesus Kristu wíy kfən, é bo din wun mo kí dzəə̀n. Wù wíy fəə́r vinyo ve ví dzəə̀n lèn e kilìr vidzə̀m fo meranén, e kfə̀n dìn vinyo ve wíri kwaʼtì aáwuné meliv. Wù yii bèy, é nèn a sheʼrí Nyùy wír réŋréŋ mo kinyo kfə́ kí dzəə̀n.

Matio 26:4

a sìysì mo dzə̀ á yiì, e bóo nyaʼtí, e koo Jesus, e yuy.

Matio 2:16

Mo akiíy víyi loòn, Fòn Heror siíy, e kìíy ji á bòʼtí ne a wun, kí nyár wun, wù wáa ŋeèy, e fə̀ə́r vé rərí, e tùm é Betlehem wùn ǎ mbùʼ see fó ghaŋ si ji á yúyrí á wón vee vilum vee kèʼ fó viya vibaà, e kfə̀n kfə́nén é bàm adzə̀m, a dzə̀ ghán sin se wù‑uù yuun fo akiíy víyi ji vé‑eè kèʼ, a yen sàŋ.

Ŋgàn 24:9

Antaŋ kiyuŋé kù dzə̀ ji kinyo ke bi kí, a wìr wo wù jaʼ Nyùy yii kóʼoy wíri koʼoyín.

Ŋgàn 11:23

Wír ve á yúnin Nyùyi dzə̀, aàntaŋ véví wiy e vijuŋ vi, a ve á méŋ Nyùyi dzə̀ kév, a kwaʼtì yéví tínsin Nyùy tínsín.

Nsùyrì Nyùy 119:15

M yíi a yòŋ, a kwàʼtì e wò ntò se yeʼéy, e way vifií ji m wáa ghan e wò mbòv.

Ŋgàn 12:4

Wiíy lóo ker njiìn wo juŋ, wíri wàa ghvəm lúm və, lóo shoór lúm və, wù kfə̀n ji kiváv ke kí səə kighvə́r ké lum və.

Ŋgàn 12:6

Ntir wìr ve á méŋ Nyùyi dzə̀ kitám ke kinjuyrì, a wír ve á yú Nyùyi luŋèr kév wíri lúŋerin.

Ŋgàn 14:8

Wìr fiirì, wù wàa kiíy jeéyjeéy fó vinyò, kiyúŋ kí lóo tav kfə́ ji wun kì, kí jày dzə́ə.

Jeremia 9:3

Nyùy Tàr suuy jii: «Kimboʼtì ki fəə́ fo áwuné kiliimé, fəə́ feyì mo mvəne fəə̀ fó kinte. Áwune tàv a dzə̀ é kimboʼtì, suuyrú nen mày fo wòŋ. Á yii jay e kintuŋ kintuŋ, aá yòʼ kfə̀n kiiy mo.

Jeremia 9:5

Wìr dzə̀m kfə̀n ne ji ŋgaà kimboʼtì e fər və́ bàm, a bó wìr yòʼ kfə̀n suuy suuyrú. Á mèrìr ne kiliímé kév a dzə̀ e kimboʼtì ki. Áwune yòʼ kfə̀n yú fóo bìnkìr, e màʼtì liì kisaŋ.