Ŋgàn 12:4 - ŊWÀʼ NYÙY

⁴ Wiíy lóo ker njiìn wo juŋ, wíri wàa ghvəm lúm və, lóo shoór lúm və, wù kfə̀n ji kiváv ke kí səə kighvə́r ké lum və.

Ŋgàn 12:4 Referans Kwoze

Ŋgàn 14:30

Shilív shee nyaáŋ shí yii faŋèr wír, a kinsiimè ki reŋèr wír réŋerin.

Ŋgàn 14:1

Wiíy woo fií baʼrì nsaàlav rə, a woo kiyúŋ sàʼtì rə́ə e wóo.

1 Korin 11:11

Mo kí fə̀m dzəə̀n ben, vèsən kì jii, fo dzə̀ʼə̀m ye vèsən kér vèsən à Tàr wòsən Jesus, bó wiíy yòʼ dzə̀ fo wùn kitu, a bó lùmèn yòʼ dzə̀ sá fo wùn kitu.

1 Korin 11:7

A bó yòʼ dzə̀ lùmèn wàa bùnrì e táné kitu, bìʼ fo wù dzəə̀n nsə̀nin Nyùy, din a dzə̀ vijuŋ ve wun woo Nyùy. A wiíy nèn din kfə́ vijuŋ a dzə̀ ve dzəə̀n vé lum və.

Ŋgàn 21:19

A sì ké a dzə e lav vèn wiíy wo wù nyamè, waʼrì, shwiiy kilòŋ, bòŋ keé bàʼrì, a dzə e kirə̀ʼ ké woʼ.

Ŋgàn 21:9

Kí bòŋ a dzə e kiŋkfə̀ʼ ke lav, e shaà fó a dzə e lav vèn wiiy kinyàm.

Habakuk 3:16

M yú vinyo vìn, wúné wàa yàʼ mo yáʼan, shuu wómé yùm, e dù mèé e toór kilòŋ, vighvə́r ví wàa bvəʼə́y mo bvə́ʼə́yín, wuú wàa bàyrìn mo báyrin. M ku nèn dzə̀ʼə̀m ji nyaáŋ, a shìy ghán, ghán, se Nyùy wíy màʼ ŋgeʼ e wír ve á gim verí.

Ŋwàʼ Rut 3:11

Á bèy nà, lá à yòʼ a fàn. M yíi yiì kinyo kidzə̀m ke à taʼà, bìʼ fo wìr dzə̀m woó ntèʼ fen kì ji à dzə̀ á wiíy wo juŋ.

Ŋgàn 12:5

Wíri yúnin Nyùy, á gwàrìr vinyo ve réŋ ví. Wíri méŋ Nyùy, á wàa tiy a dzə̀ é kimboʼtì.

Ŋgàn 18:22

Wìr wáy wiíy e lav, bo wù yiì kinyo ke juŋ ki, Nyùy Tàr kfə̀n a leéy wun, a kòŋ.

Ŋgàn 11:22

Wiíy tó sí, lóo yiì vinyo vee là vifií, bo wù sì moo ndzə̀ŋgwáŋ woó kilùm wo á wayin e kǔnnyàm yuy.

Ŋgàn 30:23

Wiíy wo wìr dzə̀m wáa nyàysì, é wù lo, e kòóy lúm, à wan woo wiíy wó a lìm e lav, e lò, e kfə̀n ji wiíy woó lav.

Ŋgàn 31:29

«Vikìy aníne kér njiìn wo juŋ, yii bèy, aà shaà áwune adzə̀m.»