Ŋgàn 12:3 - ŊWÀʼ NYÙY

³ Bó yòʼ dzə̀ wìr tìím e Nyùy si, a wù buʼtì vinyo ve bi ví. Yii bèy, wír ve á yúnin Nyùyi kù tíy kév ji ŋkǐŋ.

Ŋgàn 12:3 Referans Kwoze

Ŋgàn 10:25

Kinsəm ki kù baʼ a dzə̀ wír wo wù méŋ Nyùy, a wo wù yúnin wun, tíy kfə́ kitávín ji ŋkǐŋ.

Efesor 3:17

A m kfə̀n lón ji vèn ku màysì, e wày shilív e Jesus Kristu wùn, é wù wáa dzə e věn meliv, é vèn áwune nəə́nín, a kòŋnìn, é vèn wáa tiy kitávín moo kicí ke gháŋé nəən é nsay, kìn moo lav ye á bàʼrìn é kinsə̀ŋ ke tavín kí.

Ŋgàn 12:12

Wír ve á méŋ Nyùyi siíme bùʼ aŋgàa yiì ye bií, a Nyùy kù fó dzə́ə kòóy e wír ve á koŋ wune.

Kolosia 2:7

Vèn wáy gháŋ e wun wùn, é yí táv, a yu vinyo vidzə̀m a dzə̀ fó fo. Vèn maysi, e ghàr kinyo kfə́ ke vé‑eè yeʼeyin ven shó ki, a beèrì wun ghán sidzə̀m fo vinyò ve wù rə́si yii e vèn vidzə̀m.

Nsùyrì Nyùy 15:5

Dzə̀ wír wo wù foor wíri mbàm, e làa yòʼ a dzər visókì, a bó wù yòʼ sə́ kòyàr fo wìr ji wun tiím vinjen ve kisaŋ vi. Wìr wo wù kér liì woo ben, kinyo ki yòʼ wíy sə̀ʼ wun.

1 Samuel 25:33

Nyùy ku səə̀vì wò fo ntir ye juŋ ye à foon e mò. Yì yiì ne, la m yòʼ yùyrí wír lán, e siìr ŋkfə́tír e kiwó kém kí.

Ŋwàʼ Jov 15:29

Mbàm sə́ sí yòʼ wíy laatí. Bùʼ və yòʼ wíy tiytíy. Kéŋ rəə́ yòʼ wíy ràm e kitu ke nsay.

Ŋgàn 11:5

Wìr lóo dzə là nsem, yii rə́ ye réŋé kìŋsìn wun. Wìr méŋ Nyùy, wù gbù e wun yiì ye bií.

Ŋgaà Tàrvìnyò 8:8

Wìr yòʼ kér vitaáví vée siìr kiyoy ke wìr e bàm, kìn vitaáví vée kuvsín kishiíy kfə́ ké kpu. Wìr lóo dzə e shùu rər, bo bó yòʼ dzə̀ wù kfə̀n fó laʼ, kù dzə̀ sá réŋréŋ mo bó yòʼ dzə̀ ŋgaà yiì ye bií lì kinyo ke bi kí, e tìn kitú kfə́ shó.