Ŋgàn 12:26 - ŊWÀʼ NYÙY

²⁶ Liì wìr wo wù yúnin Nyùy kù yii danèr ŋkar rə, a liì wìr ve á méŋ Nyùyi kù yii yii, a wíri jáy dzə́ə.

Ŋgàn 12:26 Referans Kwoze

1 Joon 2:26

Á vinyo vìn ve m kì taʼ, e saŋ fo vèn, bìʼ wír ve á taʼ ji á wáa boʼtí ven.

Ŋgàn 17:27

Wìr wo wù súŋnin, sə́ʼəmè dzə̀ fií, a wìr wo wù lo ji weè dzə̀ kiíy.

Ŋgàn 12:13

Wìr méŋ Nyùy, wù kpù fo wun shuù, wìr yúnin Nyùy, wù bòy fó ŋgeʼ.

Ŋgaà Yen 12:9

A kintìŋ ke kigàgǎʼsòŋ ke vé‑eè jùmèn kin ki dzə̀ yó ye yì‑iì siìn fó ŋgùʼ, a dzə̀ wun wo wù ghán ndzə e dzə̀m, bóʼti wíri, aá yoŋ yír rə́ ji Satan, a dzə̀ ji Tavmènàŋ. A vé‑eè jùm, e màʼ a dzə̀ é nsay wùn à nshèelav sə́ sí sidzə̀m.

Ŋgaà Yen 13:14

Nyùy ku nèn màʼtì wùn nyàm yee fó mbìy rə̀y wáa ghan, yì wáa yiì viŋgaʼnìn ve vinyò bèy, e bòʼtí wír veé ndzə sho adzə̀m. Yì nèn wìy lò, e bàyrí wíri, á fèr kibámmbó ke kí wáa shwinín nyam mbìy ye vé‑eè lemerin e nyùy, bo yì bónén rə̀y.

Nsùyrì Nyùy 16:3

Kee kùm wír ve á yúnin wò e wòŋ fèn, áwune dzə̀ kfə́m sé wìr, a m yú vijuŋ bìʼ áwune.

Ŋgàn 12:25

Kwaʼtìi kù dzə̀ wùn à kinjuùmé kí. Wìr fó ntir ye juŋ, wúné bvə̀rkìr wír.

Ŋgàn 12:27

Ŋgaà jwim woo njoó koó nyám, la wù yòʼ bàv, a wìr wo wù yii kinyo, sə́ʼəmè dzə̀ wo wù yíi a ker kéŋ.

Ŋgàn 16:29

Ŋgaà melaà lévti ŋgaà shweèsí və, lévti, wù wày é ŋgeʼ.

Ŋgàn 14:22

À lóo ba ntaŋ wo bi, bo à fəə̀ ne fo ŋwàn. Aà báʼti a dzə̀ kinyo ke juŋ ki, bo dzə̀ mo á wíy a kòŋ wò, a sham.