Ŋgàn 12:25 - ŊWÀʼ NYÙY

²⁵ Kwaʼtìi kù dzə̀ wùn à kinjuùmé kí. Wìr fó ntir ye juŋ, wúné bvə̀rkìr wír.

Ŋgàn 12:25 Referans Kwoze

Ŋgàn 16:24

Jí se juŋ si dzə̀ moo ghám vilù, sí nyom e shuù, baʼrì jav wùn.

Ŋgàn 15:13

Wìr lóo yu vijuŋ, wù wàa ŋwàŋkìr. Shilív shí ndzə́ʼə́, wù wàa dzə e nsòv.

Ŋgàn 17:22

Shilív shee nyaáŋ shí yii, a wìr dzə́ kitávín, a she ndzəʼə́n shí fó a dzə̀ kinjuùmé.

Aysaya 50:4

Kù yèʼéy Nyùy Tàr woo Taà Ndzə mo, é bo m wáa fèr kinyo kiránén. Wù yiì bèy, ji m lóo suúy kinyo ke m suuyì, é kí wáa tavír wír ve kibeʼèy kí yúy áwune. Nyùy Tàr yim mo kijàvndzə kidzə̀m, yii, a m yár jiŋ kinyò ke wù suuyì, kù moo wánlè wo wù fó vituʼùr e ŋgaà yèʼéy və.

Ŋgàn 15:23

Wìr binèr kinyo, kí shémsinè, wù wàa yu vijuŋ. Jì ye yì fəən é ghan bòŋ, e shaàsìn.

Sekariya 1:13

Nyùy Tàr nèn kù a suŋnín kfə́ a dzə̀ e nshìylav ye yì kì súŋnin vèr wun, a fèr kinyo sho e jì ye juŋ, a rəə̀r shilív sə́ rə́ərin.

Ŋgàn 12:18

Lám wo bií lémer wír moo nyùy rə̀r ye á baàyìn, a kisúŋnìn ke fiì kí fer wír férin.

Ŋgàn 27:9

À sor meŋgvə́r é si, yí wàa yaané. À yóʼ wún e biʼi, wú wàa yu vijuŋ. Ŋkar yè tír wò, à wàa sheʼrí.

Nsùyrì Nyùy 42:11

M dzə́ mendzən mendzən bèn bìʼ ka? M rəəy bèn bìʼ ka? M kù‑úù wáa dzə, a yuurí a dzə̀ Nyùy. M kì ji m kù dzəə́ wìy a sùyrì wun, wun woo Nyùy woo Ŋgaà Lùŋèr wom.

Ŋgàn 18:14

Shilív she wìr wayin ji wun yíi lùŋ shi fəər wun fo yàsí, a she weeyìn shí wáy ŋgaà yàsí wáyín é sày.

Ŋgàn 25:11

Ntir yee tír é dzəə yee réŋ bòŋ, moo kifá ke sùsù ke á fèrìn e *kisha ke mbàm ke baar kí, e kfə̀n jùŋ e ke fəvír kí.

Nsùyrì Nyùy 38:6

Nyári kìvtí ne mo kívtín, a m ghán, tóŋ mo m diy a dzə̀ kpú, e kèʼ fo kijàvndzə, e dù, e meé e ŋkuùr.

Ŋgàn 15:15

Dzəʼə̀m aghéʼnceyí tàv é ŋàŋ. Yii bèy, a shilív shee nyaáŋ shí kù dzə́ kfə́, shéʼri shèʼrín.

Ŋgàn 14:10

Kù kiiy wír mo nyár rəə́ koó, à mo vijuŋ və́ ví koó, a bó yòʼ dzə̀ tókíshwáŋ, wù kìíy.

Ŋgàn 12:26

Liì wìr wo wù yúnin Nyùy kù yii danèr ŋkar rə, a liì wìr ve á méŋ Nyùyi kù yii yii, a wíri jáy dzə́ə.

Ŋgàn 15:30

Wìr bvətì vishí, wúné bòŋ wíri. Á yú sáʼka wo juŋ, á wàa sheʼrí.