Ŋgàn 12:2 - ŊWÀʼ NYÙY

² Nyùy Tàr bínsi wír, a dzə̀ ve á yú wun, maʼ ŋgeʼlàʼ e wír ve á bá antaŋ ve bií kitu.

Ŋgàn 12:2 Referans Kwoze

Ŋgàn 8:35

Wìr wo wù taʼ mo, yéné, ŋgaàŋ yíi a ker dzəʼə̀m ye dáa, é Nyùy Tàr wáa leéy wun, a kòŋ.

Lim Aŋgàa Ntum 11:24

Banabar və̀n‑eè dzə̀ wír woo nyaáŋ, a wù biímé Nyùy e ŋàŋ, Kiyoy ke Ranén kí wáa run e wun shiliv. Wír aníne nèn kfə̀n a biimé kinyo ke Jesus e Antiyok foo fèy, kintatì kfə́ kí wáa kùʼ.

Nsùyrì Nyùy 112:5

Bòŋ ké wìr wo wù kér wó tèéter, foor wíri mbàm. Wír, wo wù yii vinyo və́ là kiloʼ.

Ŋwàʼ woó Rom 5:7

A dzə̀ kinyo kigháʼán féyì fo wìr kpú ji wun tín wír fo kpu, a fə̀m dzə̀ wír wo á taʼ, e yuyrí là njò. Yii bèy, a tàm wìr wùmòʼ kù yòʼ biìmé kpú bìʼ wír wo juŋ wùmòʼ.

Ŋgàn 1:31

Áwune kù yíi kav kifa, a dzə̀ ke á wayin, liì kisaŋ wov kù yíi bìnkìr aáwuné kitu.

Ŋgaà Tàrvìnyò 8:8

Wìr yòʼ kér vitaáví vée siìr kiyoy ke wìr e bàm, kìn vitaáví vée kuvsín kishiíy kfə́ ké kpu. Wìr lóo dzə e shùu rər, bo bó yòʼ dzə̀ wù kfə̀n fó laʼ, kù dzə̀ sá réŋréŋ mo bó yòʼ dzə̀ ŋgaà yiì ye bií lì kinyo ke bi kí, e tìn kitú kfə́ shó.

Ŋgàn 6:18

kwaʼtì yee ji wìr yii kinyo ke bi kí, yáŋrí yee ji wìr ku dù, e bùʼ kinyo,

Nsùyrì Nyùy 9:15

Vitúm vi‑iì túŋ bií ji m gbu shó, kfən gbù áwune shó. Vé‑eè tám lálán, kù ndzə̀v áwune shó.

2 Samuel 15:3

Absalom nèn sùúy e ŋgaàŋ jii, «Leéy, e yèn, kinyo ke à wiy sho ki bòŋ, a kí dzə̀ tìítiy. Yii bèy, a bó wìr wo fòn lèmèn wo dzə̀ wù yuùrí kinyo ké yòʼ dzə̀.

Ŋgàn 3:4

Aà lòo dzə, a yiì bèy, bo Nyùy yíi a kòŋ wò, é wíri wáa kòŋ sa.

Ŋgàn 12:1

Wìr wo wù koŋ ntir, sí koŋ kiíy, a wìr wo wù ban naarì dzə̀ kiyúŋ.

Ŋgàn 14:22

À lóo ba ntaŋ wo bi, bo à fəə̀ ne fo ŋwàn. Aà báʼti a dzə̀ kinyo ke juŋ ki, bo dzə̀ mo á wíy a kòŋ wò, a sham.

Ŋgàn 14:17

Ŋgaà dòʼshwiíy yòʼ yii sə́ʼəm e kinyò, ké wìr wo wù bá ntaŋ wo bi, kí dzə̀ aá ban bànèn.