Ŋgàn 12:14 - ŊWÀʼ NYÙY

¹⁴ Jí se ru sí kù dzə̀ wùn à vilaʼày və́ ví, réŋréŋ mo ŋgaà lìm kù yii dzə́ sa wùn à vilaʼày və́ ví.

Ŋgàn 12:14 Referans Kwoze

Ŋgàn 13:2

Wìr wo juŋ yú vijuŋ, bìʼ kisúŋnìn kfə́ ke juŋ ki, a ŋgaà menàŋ kù yáŋri kfə́ a dzə̀ melaà.

Nsùyrì Nyùy 63:5

Wúné yíi bòŋ mo moo wó wìr wo wù yikin fó ŋkàʼ, é m wáa yòv e kishéʼrì ki, a burí wò.

Ŋgàn 15:23

Wìr binèr kinyo, kí shémsinè, wù wàa yu vijuŋ. Jì ye yì fəən é ghan bòŋ, e shaàsìn.

Matio 16:27

«Vèn wáa kiíy jii, ŋgaà wo yírí dzəə̀n ji Wanwìr wíy lòo kfən wùn à nshèelav sə́ sí, a wù sí wiy a dzə̀ é mvə̀m vikùʼùy ve dzəə̀n vé Tàr wov Nyùy, é wù wáa laamé wir dzə̀m mo wù‑uù yiìn.

Hibru 11:26

Wù‑uù yén kfə́ ji ŋgeʼ se dzə̀ wun wàa yen wùn à wír véví, a shìy Mfə̀ə́r wo Nyùy‑iì kàʼàn áwune shó, si bòŋ fo wun, e shaà bùʼ woó wòŋ Ejiv e dzə̀m, bìʼ fo wù‑uù leey kfə́ a dzə̀ fó mbìy, shiy və́ vee vikuʼùy a dzə̀ ve wíy fo Nyùy.

Hibru 2:2

Vèsən kì ji kinyo ke nshèelav se Nyùy si‑iì tiísi fo ŋgùʼ kí‑iì ló a dzə rú, a kí‑iì dzə̀ á kitávín. Wìr‑iì tén kinyo kee shooy, fə́m shóʼor kimòʼón, Nyùy kù màʼ ŋgeʼ sho mo nsər‑iì dzəə̀n.

Ŋwàʼ Jov 34:11

Wù kù yii laʼ wír, a dzə̀ mo lim rəə́ dzəə̀n, yii, a wìr kooy kifá, a dzə̀ mo liì və dzəə̀n.

Ŋgàn 1:31

Áwune kù yíi kav kifa, a dzə̀ ke á wayin, liì kisaŋ wov kù yíi bìnkìr aáwuné kitu.

Ŋgàn 14:14

Aà yii yii ye bií, bo à wíy kav vibí, à wáa yiì yii ye juŋe, bo à wíy kav vijuŋ.

Ŋgàn 19:17

Wìr wo wù shám ŋgaà kitàn, maʼ a dzə̀ Nyùy Tàr ŋgwáʼ, a wù wíy kòr mo wù‑uù màʼàn.

Ŋgàn 24:12

Aà lò, a sù njò yè jii, «Rúrú, vèr yòʼ kì fó kinyò fèn,» bo bó Nyùy wo wù tar shilív shé wìr dzə̀m yòʼ kù yéné à? Bó ŋgaàŋ wo wù kíy dzəʼə̀m yé yòʼ kù kì kidzə̀m à? Wù yòʼ kù wíy a làʼ wír a dzə̀ mo lim rəə́ dzəə̀n a?

Hosea 4:9

Yii bèy, lòn wo wìr líi kù dzə̀ wo taà cù wíy lì. M wíy tatí wír adzə̀m, e lovtí sho mo yii yéví dzəə̀n. M kù wíy màʼ ŋgeʼ aáwuné kitu ji vilaʼày vé vinyò ve á rə́si buʼtì.

Ŋgàn 5:22

Vinyo ve wìr wo wù méŋ Nyùy yii vi dzə̀ kitám kfə́, a wù kù yíi bìnkìr, e lì e wun vinyò ve bi ví.

Jeremia 17:10

Mo woo Nyùy Tàr, m kaʼày melív me wíri, tar kwaʼtì sév, laáme wír, kù mo yii rəə́ taʼà, laáme réŋréŋ mo liì və dzəə̀n.»

Jeremia 21:14

Rúrú, m yíi màʼ ŋgeʼ e věn kitu mo yii yéné dzəə̀n. M yíi tòn ntoʼ yen e və́yí, e tòn kifá kidzə̀m ke kí kaarin fó, e tàr. Suuy mo woo Nyùy Tàr.› »