Ŋgàn 12:13 - ŊWÀʼ NYÙY

¹³ Wìr méŋ Nyùy, wù kpù fo wun shuù, wìr yúnin Nyùy, wù bòy fó ŋgeʼ.

Ŋgàn 12:13 Referans Kwoze

Ŋgàn 21:23

Wìr kim shuu və́, wù bòy fó melaà.

Ŋgàn 11:8

À yúnin Nyùy, à bòy fó ŋgeʼ, méŋ wun, à nə̀ə́ shó nəə́n.

Nsùyrì Nyùy 64:8

Nyùy kù wíy laàr áwune bìʼ shuu wóv. Wíri yén áwune, aá wáa dzə̀v kiwuú ji ajwèkòʼ.

Daniel 6:24

Fòn fó sáʼ, á wìy e vilum ve vé‑eè toyin kinyo e Daniel bàm víyi, e màʼ áwune é mbvə̀ʼ abvərə̀ʼ fey. Á ku tàtí sa vikìy vév wùn à wóné, e màʼ fo. Abvərə̀ʼə́ táv, e ghàʼ áwune. Áwune wáa jì ji á meé é sar mbvə̀ʼ, aàbvərə̀ʼə́ sáʼtí ne áwune sáʼtin, à vighvə́r ví shó.

Ŋgàn 6:2

bo ŋkàʼmé wò wày ne wò e kitam, e yiì, à tó é kinyò wuu baà.

2 Pita 2:9

Vinyo vìn vi nén a dìn mo dzə̀ Nyùy fə̀ə́r wír ve á yú kinyo kfə́ fó ndzə ye bi ye yì gháʼ áwune rə̀n, e kfə̀n a dìn mo wù lóvti e wír ve bií, shiy kishiíy ké nsaʼ,

Ŋgaà Tàrvìnyò 7:18

Ku yiì vinyo vee vibaà vin vi vidzə̀m, e làa yòʼ yiì kímóʼ kí, e tonén. Aà ghvə́m Nyùy, bo vinyo vé vidzə̀m vi yíi a ker shintíy she juŋ shi.

Matio 27:25

Màŋgòŋ və̀y nèn bìnèr jii, «Á maʼti, é mensə́ mvə mè kfə́n a dzə̀ e vèr à wón vérí vitu.»

Ŋgàn 15:2

Fiì súŋninè, wìr dzə̀m kù yèʼéy kinyo. Kiyúŋ kí mvəʼ shuu, kù a fəə kiyúŋsì.

Nsùyrì Nyùy 34:19

Ŋgeʼ si kooy wír wo wù yúnin Nyùy sinín, a Nyùy Tàr fəər wun fo fo sidzə̀m.

Nsùyrì Nyùy 5:6

À yii laar vé kimboʼtìi láarin. Rúrú, Nyùy Tàr yii nyaysì vé kinjuyrìi, nyaysì aŋgaà lam bàá adzə̀m.

1 Afòn 2:23

Fòn Solomon nèn lìʼ e Nyùy Tǎr yir jii, «A Adonija dzə̀ làa yòʼ kpu fo wun shuù, Nyùy kù màʼ ŋgeʼ e mǒ kitu, e kfə̀n dzə̀sì.

2 Samuel 4:9

Davir bìnèr e Rekav wùn fər və Baana vee wón Rimmon woó Beerot jii, «Mo Nyùy Tàr wo wù‑uù fəərin mo fó ŋgeʼ sidzə̀m dzəə̀n shó, vèn‑éè yén ke kí lo, e koóy ven.

Kèʼlo 48:16

Nshìylav Nyùy ye yì sə́ mo fó ŋgeʼ sidzə̀m, kú a səə̀vì wón vee vilum vìn, é wíri wìy a kiíy yír yém wùn à yé atàr vém vee Abraham wùn Aysi. Wù ku yiì, é rám yéví kuʼ é kitu ke nsay, a dzə nyanyày.»

Nsùyrì Nyùy 59:12

Kiŋkoʼòrwùn kév kí ku kfə̀n ji kitám. Kí ku koò áwune mo á koò nyám e kitam, bìʼ vinyo vév ve bi ví, à jí se bi se sí fəə́ fo áwuné shuù si, à roʼ ye á roʼ wíri, à kimboʼtì ke á fəər fo shuù ki.

Ŋgàn 18:21

Kisúŋnìn ke wìr ki fó dzəʼə̀m, kìn kpú, é wír ve á súŋnin e ŋàŋé ku nèn a kiíy.

Nsùyrì Nyùy 34:20

Nyùy Tàr kiŋsìn ŋgaàŋ fo á lémér wun, a bó yòʼ dzə̀ á bèʼ kighvə́r kfə́ fə̀m kimòʼón.

Nsùyrì Nyùy 59:13

Laàr áwune e wò mvə̀m dòʼshwiíy. Ku laàr áwune, e laàr laàrìn ŋkuuŋkùŋ, é wìr msòŋ kiíy ji sáʼ a Nyùy wìr veé Isray, a wù kù wíy a saʼ, e dù, e meé mo ndzə wíy mày.

Ŋgàn 10:8

Wìr lóo ker vifií, wù wàa yu ntir, lóo dzə njìʼ woo ŋgaà kiyòr, wù kfə̀r kitú.