Ŋgàn 12:1 - ŊWÀʼ NYÙY

¹ Wìr wo wù koŋ ntir, sí koŋ kiíy, a wìr wo wù ban naarì dzə̀ kiyúŋ.

Ŋgàn 12:1 Referans Kwoze

Ŋgàn 15:10

Wìr bin ndzə̀m é dzəə yee tìítiy, á sə̀r ŋgaàŋ, e màʼ ŋgeʼ sho kijuŋ. Wìr tén ntir tenén, bo wù kù yíi dù, e jòʼsì a dzə̀ é kpu.

Ŋgàn 18:1

Wìr lóo ker shií a dzə̀ e wun kinyò, la wù yòʼ a tàʼ ŋkar sinín, ŋwáy kinyo ke Nyùy tinen ŋwáyín.

Nsùyrì Nyùy 92:6

Viyúŋ ví yòʼ dzə̀ ví kìíy, a bó yòʼ dzə̀ sá alàvifií kìíy jii,

Nsùyrì Nyùy 32:9

Lá à yòʼ a yuŋsí moo nyamŋkoʼ, a yuŋsí moo kimbèʼbìy ké nyàmŋkoʼ, nyám, aá kù danèr a dzə̀ e sháŋ, kan kànèn, é bo yì yúnín, a dù.»

2 Tesalonika 2:10

Wù kfə̀n wíy a yiì kfəə́ se vimboʼtì símóʼ sí sinín, a laàrì sí wíri shó. A wù kù wíy a laàrì a dzə̀ yé wìr ve á sí du, e lày e və̀y, bìʼ fo bó á yòʼ‑oò ló a kòŋ fó biimé kinyo ke dzəə̀n ke ru kí.

Ŋgàn 8:17

M koŋ wir dzə̀m wo wù koŋ mo, a ve á taʼ mo é shií kù yíi yen.

Ŋgàn 8:32

Á bèy, wòn vem, vèn fó vituʼùr ví, e yuùrí. Bòŋ ké wìr ve á ghán e mǒ mbòv.

Aysaya 1:3

Nyàm yee mbòŋ kì wír wo wù kér wun, a kimbèʼbìy kí kì wír wo wù yiir wun. Yii bèy, a wír veé Israyi yòʼ kì fo á binè. Bó wír vémé yòʼ kiiy kinyo ke m yii aáwune.»

Nsùyrì Nyùy 119:27

Yìi, é m kiíy kinyè ké ntò sé se yeʼéy, kiiyì, é m yiì a lèm viŋgaʼnìn vé ve vinyò e vifii, a kwàʼtì sho ghán sidzə̀m.

Nsùyrì Nyùy 50:17

Vèn ban fo á sər ven fo věn liì kisaŋ, tén fóo yiì kinyo ke m suuyin.

Ŋgàn 8:36

Yii bèy, wìr tén fóo tàʼ mo, bo wù kfə́r a dzə̀ kitú kfə́. Wìr wo wù ban mo kù taʼ a dzə̀ kpú.

Ŋgàn 11:31

A Nyùy laáme wír ve á yúnin wun, laáme, aá dzə̀ə́ e kitu ke nsay, bo ké wìr ve á méŋ wun ki wíy a dzə e le, áwune ve á dzəə̀n aŋgàa yiì ye bií?

Ŋgàn 12:2

Nyùy Tàr bínsi wír, a dzə̀ ve á yú wun, maʼ ŋgeʼlàʼ e wír ve á bá antaŋ ve bií kitu.

Ŋgàn 30:2

«Rúrú, m yùŋsí feyì, e shaà wir dzə̀m. M yòʼ dzə̀ə́ wír, e bó a kiíy jeéyjeéy fó vinyò.

Cù 13:10

Taà cù yií kaʼày wun, yén, a fóo gvə́m, wuy yee fóo wáa fəəsí, a kí sí du ji kiváv,

Nsùyrì Nyùy 141:5

Wìr wo juŋ lóo roòmè jay wom, bo sì kinyo ke juŋ ki. Wù naarì mo náarin, bo sì mbùʼmé mo wù buʼ mo shó, a bó yòʼ dzə̀ m wàa ten. Ké wìr ve bi kí dzə̀, a m bunrì ghán sidzə̀m ji lá vinyo vév ví yòʼ a ghan.

Ŋgàn 10:8

Wìr lóo ker vifií, wù wàa yu ntir, lóo dzə njìʼ woo ŋgaà kiyòr, wù kfə̀r kitú.