Ŋgàn 11:9 - ŊWÀʼ NYÙY

⁹ Wìr wo wù méŋ Nyùy lo, wù lòr ŋkar rə. Yii bèy, kiíy wìr wo wù yú Nyùyi dzə̀ yí bòyìr wun fo fo.

Ŋgàn 11:9 Referans Kwoze

1 Joon 2:27

M sáŋ bèn, a m kì ji Kiyoy ke Ranén kí ke Jesus‑eè foon e vèn kí kù dzə̀ə́ e věn meliv, yéʼey ven, a vèn kiiy vinyo vidzə̀m, la shií yòʼ a dzə wo kfə́n a yeʼéy wír ven. A Kiyoy ke Ranén kí yéʼey ven a dzə̀ kinyo ke ru kí, a bó yòʼ dzə̀ kí bòʼtí ven. Bìʼ bey, m nén a tir ven ji vèn kú a yu a dzə̀ á fo fo, a suusín vèn à Jesus Kristu.

1 Joon 2:21

A bó m yòʼ sáŋ ŋwàʼ və̀n fo vèn ben ji vèn dzəə́ méŋ a vinyo ve ru ví. M sáŋ bìʼ fo vèn kiiyin ne. A vèn kì sá kijuŋ ji wìr wo wù tíy kfə́ a dzə̀ e Nyùy kinyò ke ru kí yòʼ dzə̀ á wù wàa boʼtí kimboʼtì.

Lim Aŋgàa Ntum 20:30

A wír ámóʼó kù wíy fəə sa a dzə̀ fo věn mvəm, a boʼtí aŋgàa biimé, a sə̀ŋrì ámóʼó, aá wáa kfən aáwuné mbìv.

Nsùyrì Nyùy 55:12

A kì ron ŋgaà vibàn wom wúu yém, bo m kù kì kùr tím, e kfə̀mén. A kì kóʼor wír wún e mǒ kitu, wír wo wù méŋ kinyo kém, bo m kù kì lìr fó fo.

Matio 7:15

«Vèn wáa yen fo aŋgàa ntum kimboʼtìi nəə́ e věn ŋgoo. Wír vee shooyi woóne moo nyám ye bi ye yì màʼàn juv njiì, e nə̀ə́ e njiì ŋgoo ji wun laar njiì.

Ŋwàʼ Jov 34:30

a kiŋsìn wun woŋ fo abìnbìnteʼnsə́mé wáa saʼ, kiŋsìn fo á wáa neèr kitám ji wíri wáa lì sho.

Ŋwàʼ Jov 8:13

Á mo kinjòʼsì ké wìr dzə̀m ve á méŋ Nyùy ki dzəə̀n, a tiír ye bìnbìnteʼnsə́m tiir vifií fó mbìyi kù wíy lày kisáŋ.

1 Afòn 22:6

Fòn woó Isray nèn tòóy aŋgàa si və́, aá dzə̀ moo wír ghii kweè bèy, e dzə̀r aáwune jii, «M nəə́ Ramot‑Gilead e rə́r sí moo ŋgáŋ á?» Á bìnèr ji fòn wàá nəə́. Fòn waà du, e tòn a áwune. Nyùy Tàr yíi dù, e way a Ramot‑Gilead e fòn kiwo.

Maak 13:14

Jesus nèn kfə̀n a suúy jii, «Vèn wíy lóo yen, a kifá ke vé‑eè yoŋ ji kí wíy a koʼóy, a bivír kirə́ʼ, kí fəə́sín, aá tiír fo bó yòʼ dzə̀ kí wàa tiy, wír ve á dzəə̀n é mbìv wòŋ yee Judàa wàa sam, a koʼ aàgwan. Wìr wo wù yoŋ kinyo kìn fo ŋwàʼ fèn, ŋgaàŋ səəm.»

Ŋgàn 11:6

À lóo tiy tìítiy e Nyùy kinyò, yii yé ye réŋé wàa bòyìr wò. Yii bèy, a shii ŋgaà lám baà kù sì kitám kfə́.

Ŋgàn 11:8

À yúnin Nyùy, à bòy fó ŋgeʼ, méŋ wun, à nə̀ə́ shó nəə́n.

Ŋgàn 16:29

Ŋgaà melaà lévti ŋgaà shweèsí və, lévti, wù wày é ŋgeʼ.