8 À yúnin Nyùy, à bòy fó ŋgeʼ, méŋ wun, à nə̀ə́ shó nəə́n.
Á wíy lì wír ve á méŋ Nyùy, e tin ve á koŋ wun sho, e lì ve á yoʼ biìmé Nyùy, e tin ve á dzəə̀n tìítiy sho.
Wìr lóo meŋ Nyùy, wíy kpú, vifií ve wù‑uù tiirin é vifa vi bvəə̀rí, bùʼ wo wù‑uù wáy shilív shó lày kisáŋ.
Wìr wo wù méŋ Nyùy lo, wù lòr ŋkar rə. Yii bèy, kiíy wìr wo wù yú Nyùyi dzə̀ yí bòyìr wun fo fo.
Wìr méŋ Nyùy, wù kpù fo wun shuù, wìr yúnin Nyùy, wù bòy fó ŋgeʼ.
Ké wìr ve á yúnin Nyùy Tàr, wù kù luŋèr áwune lúŋerin. Wúnwun dzə̀ kikfə́vsì kév é ghan sé ŋgeʼ.
Kee shooy ki shaà, Fòn Darius nèn sàŋ ŋwàʼ fo wìr dzə̀m, kìn dzə̀ wir kitum kìka, kìn woó wòŋ vəné, kìn wù súŋnin a dzə̀ lám gha. Wù sáŋ jii: Nyaáŋ wo wù dzəə̀n e věn mvəm kú a kuy kuyín.