Ŋgàn 11:7 - ŊWÀʼ NYÙY

⁷ Wìr lóo meŋ Nyùy, wíy kpú, vifií ve wù‑uù tiirin é vifa vi bvəə̀rí, bùʼ wo wù‑uù wáy shilív shó lày kisáŋ.

Ŋgàn 11:7 Referans Kwoze

Ŋgàn 10:28

À tiir vifií e Nyùy wùn, yúnin wun, à jòʼsì é vijuŋ. À méŋ wun, kinyo ke à tiir vifií shó ki tàʼrí, e lày.

Ŋwàʼ Jov 11:20

Yii bèy, a wír ve bií yòʼ wíy a ker fó neèr shwín. Dzəə̀ ye a dzə̀ áwune wìy bàʼàr ŋgeʼ sho yòʼ dzə̀ə́. Bó áwune yòʼ kfə̀n tiir vifií é kinyò, e shaà ji kpúu li áwune.»

Ŋgàn 14:32

Vinyo ve bi ve wìr wo wù méŋ Nyùy yii vi yíi màʼ wun, a liì wo juŋ wo wìr wo wù yú Nyùy yii, kù kiŋsìn kitú kfə́ kíŋsin.

Nsùyrì Nyùy 146:4

Wù kpú, wù kfə̀n é nsay, e kèʼ fo kishiíy fóo fèy, antaŋ vəə́ nèn lày kisáŋ.

Esiker 28:9

Áwune wíy wìy ji á yúyri wò, áà kfən yòŋ ji à dzə̀ nyùy a? Vé kinjuyrì vìne wíy ghar wò, é la à yòʼ a dzə nyùy, áà wáa dzə wir msòŋ.

Nsùyrì Nyùy 112:10

Wír ve á méŋ Nyùyi yéné, wúné wàa kìn áwune. Á kù wíy a ŋeytí sóŋ, a kpukír kpukín. Vinyo ve áwune yii, tiir vifií shó vi kù wíy a bvəərí bvəərín.

Ŋgàn 11:8

À yúnin Nyùy, à bòy fó ŋgeʼ, méŋ wun, à nə̀ə́ shó nəə́n.

Ŋgàn 10:29

Nyùy kiŋsìn wír ve á tíy tìítiy, laar ve á méŋ wun láarin.