Ŋgàn 11:6 - ŊWÀʼ NYÙY

⁶ À lóo tiy tìítiy e Nyùy kinyò, yii yé ye réŋé wàa bòyìr wò. Yii bèy, a shii ŋgaà lám baà kù sì kitám kfə́.

Ŋgàn 11:6 Referans Kwoze

Ŋgaà Tàrvìnyò 10:8

A wìr túŋ bií, bo kù yíi gbù wun sho, wìr wáa kiv kirə́v ké lav ji wun nəə́, bo yò kù‑úù té wun.

Ŋgàn 5:22

Vinyo ve wìr wo wù méŋ Nyùy yii vi dzə̀ kitám kfə́, a wù kù yíi bìnkìr, e lì e wun vinyò ve bi ví.

1 Afòn 2:44

Fòn kfən sùúy e Shimey jii, «À kì e wò vifii vinyo vidzə̀m ve wò‑oò bùʼùn e tàr wor Davir. Nyùy Tàr yíi siìr vinyo vee shooy e wò kitu,

Kèʼlo 31:37

Mo à tàrìn vifá vém vidzə̀m, ké ke à yenen fó ki dzə̀ ka. Wìy shó, áàfə́r vé wùn à vémé yén, e bóo kiíy ji sà suuy wò rú, mo suuy mo á.

Kèʼlo 30:33

Wíy lóo dzə e ghan se sí wiyì, à lóo tàr vilaʼày vém, áà nèn yèn suuyrú wom. Aà wìy yèn bvəy loŋ ye yì yòʼ kér kishom ke fəvír kí, kìn keé le, à wàn njiì wo wù yòʼ sə́né, bo m shòŋ shóŋén.»

Atǎr Nsaʼ 20:41

Wír veé Israyi nen bìnkìr lèn, e ghìʼ wír veé Benjamin, kindzə́m kí gwár áwune, á ló, a yàʼ yàʼàn, bìʼ fo vé‑eè yenen ji kpúu lì a ne áwune.

Nsùyrì Nyùy 9:15

Vitúm vi‑iì túŋ bií ji m gbu shó, kfən gbù áwune shó. Vé‑eè tám lálán, kù ndzə̀v áwune shó.

Ŋgàn 11:9

Wìr wo wù méŋ Nyùy lo, wù lòr ŋkar rə. Yii bèy, kiíy wìr wo wù yú Nyùyi dzə̀ yí bòyìr wun fo fo.