Ŋgàn 11:5 - ŊWÀʼ NYÙY

⁵ Wìr lóo dzə là nsem, yii rə́ ye réŋé kìŋsìn wun. Wìr méŋ Nyùy, wù gbù e wun yiì ye bií.

Ŋgàn 11:5 Referans Kwoze

Ŋgàn 5:22

Vinyo ve wìr wo wù méŋ Nyùy yii vi dzə̀ kitám kfə́, a wù kù yíi bìnkìr, e lì e wun vinyò ve bi ví.

Ŋgàn 11:3

À lóo tiy tìítiy e Nyùy kinyò, liì wò wàa dànèr wò, bóʼti kimboʼtì, kí bìvír wò.

Ŋgàn 3:6

À lóo yiì vinyo ve à yii vidzə̀m, à kù a tiír a dzə̀ Nyùy fo mbìy, é wù wáa naàrì wò.

2 Samuel 17:23

Fo ké Ahitofel ki, mo wù yenen ji á yoʼ jùmrì a ntir rə, wù nèn kùr kimbèʼbìy kfə́, e kòʼ, a dù e wun laʼ aáwuné ntèʼ. Wù dù, e sìysì vinyo vee wun lav, e nèn kèsìn. Á dzəə̀mè wun fo vé‑eè dzəəmè wír veé kfəə.

Atǎr Nsaʼ 20:41

Wír veé Israyi nen bìnkìr lèn, e ghìʼ wír veé Benjamin, kindzə́m kí gwár áwune, á ló, a yàʼ yàʼàn, bìʼ fo vé‑eè yenen ji kpúu lì a ne áwune.

Ŋgàn 12:3

Bó yòʼ dzə̀ wìr tìím e Nyùy si, a wù buʼtì vinyo ve bi ví. Yii bèy, wír ve á yúnin Nyùyi kù tíy kév ji ŋkǐŋ.

Ŋgàn 21:29

Wìr wo wù méŋ Nyùy kù yii fə́ti a dzə̀ sí, a wìr woo tìítiy ku yii sayrì dzəʼə̀m rə́.

Ŋwàʼ Jov 18:7

Á fàr ne ntàm se wù‑uù rə́si sar vitaáví vitaáví, a ntir ye wù‑uù rə́si fó e wíri kòʼór ne wun, e shìy é nsay.

Ŋgàn 1:18

Yii bèy, wír vìne kù wáy kitám a dzə̀ kév, aá káv a dzə̀ yév yee kpú.

Ŋgàn 13:6

Yíi lànjòó kiŋsìn wun, a njiìn wìr wo bi kù maʼ wun máʼan.

Ŋgàn 14:32

Vinyo ve bi ve wìr wo wù méŋ Nyùy yii vi yíi màʼ wun, a liì wo juŋ wo wìr wo wù yú Nyùy yii, kù kiŋsìn kitú kfə́ kíŋsin.

Ŋgàn 15:19

Wìr njoó kfə́ njoón, akíghàʼá sùm wun. Wìr lóo tiy réŋ e Nyùy kinyò, vinyo və́ ví wàa ghan e mboʼ.

Ŋgàn 28:18

Wìr wo wù gharin suuyrú, e kpù shó kù wíy a tiy là kinyo ké a fàn, a ŋgaà yiì ye bií kù wíy lò kfə́, e to toón é bii.

Aysaya 26:7

Dzəə̀ wìr ve á yúnin Nyùy sì é leŋ. Nyùy Tàr, rúrú, à yii yii, a dzəə̀ wìr ve á ghán e wò mbòv dzə́ bèn ji fèm.

Hosea 5:5

Kiŋkoʼòrwùn ké wìr veé Isray ki mvə̀ʼ ne kinyè kév. Áwune kù yíi a beʼ kibeʼèy ké vinyò ve bi ví, a bàyrìn sho, é wír veé Judàa wáa bàyrìn sa e kév kí.