Ŋgàn 11:4 - ŊWÀʼ NYÙY

⁴ Vikuʼùy ví yòʼ yíi sə wò e kishiíy ke Nyùy sáʼ nsaʼ yè. Yii bèy, a yúnín Nyùyi dzə̀ wùn à dzəʼə̀m ye dáa.

Ŋgàn 11:4 Referans Kwoze

Ŋgàn 10:2

Vikuʼùy vee koóy é dzəə ye bi ví yòʼ kér séʼ, yii bèy, yúnín Nyùyi dzə̀ wùn à dzəʼə̀m ye dáa.

Tsəfaniya 1:18

Wíy lòo dzə e kishiíy kin ke Nyùy Tàr maʼ ŋgeʼ e wírí kitu, a wìr fə̀m kér káv e le, bo yòʼ dzə̀ wú tìn ŋgaàŋ. Nyùy Tàr wíy shwiíy kilòŋ, e tòn kitú ke nsay e və́yí. Wù wíy sàsìn, e laàr wir dzə̀m wo wù dzəə̀n é kitu ke nsay.

Kèʼlo 7:1

Nyùy Tàr nèn lò, e sùúy e Noa jii, «Lì kfəə́ yee wò lavi e dzə̀m, é vèn áwune nəə́ é kikoŋ. M yèn ne ji kù mày a wò fo ŋgwàʼ yee lán, wo à yii mo m taʼà.

Esiker 7:19

Á wíy shwèy *kisha ke mbàm ke baar kí, à ke fəvír kí é màdzəə̀ moo kifá ke *kifàn kí bey. Bó kisha ke mbàm ke fəvír kí, à ke baar kí yòʼ wíy sə wír e kishiíy ke dòʼshwiiy Nyùy Tàr wíy koʼ. Bó yòʼ dzə̀ áwune wìy lùŋ fo fo, kìn ji áwune yún kifá sho, e tòm vitó sho. Yì‑iì lèvtí vifá vìn áwune, é bo á buʼti vinyo.

1 Timoti 4:8

À kì sá jii, a wìr merìr wún və́ é kinyò, bo séʼ dzə̀ á sho. Yii bèy, wìr merìr a dzə̀ é kinyò ke kí wáa yiì, é wù wáa ghan mo Nyùy taʼà, bo woo shooy woo séʼ shaà, bìʼ fo kí sə́ wír e dzə̀ʼə̀m yeé nsay, e kfə̀n wìy sə e yé bàmé.

Ŋwàʼ Luk 12:20

Wù sìysì bèy, Nyùy nèn yòŋ jii, ‹Kiŋgà ké kiyuŋ kin, m yíi sə kiyoy ké e bàm vitsə́ʼ vé lán vi, é vifá ve à baʼtin vin vi wìy sìíy a dzə vé la?› »

Matio 16:26

A wìr yì ndzə, yì may, wù bívír kitú kfə́, bo séʼ və dzə̀ ka? A wìr màʼày dzəʼə̀m rə́, wù wìy tìn, e fò ka?

Ŋwàʼ woó Rom 5:17

Mo jay wo wìr mòʼón‑eè jayin yiìn ne, kpúu raár wir dzə̀m, bo kinyo ke wùmòʼ woo wír wo dzəə̀n Jesus Kristu yiìn kí yii kinyo e shaà kee shooy feyì. Kí yii ji wír ve Nyùy buʼ e mbùʼmé nyanyày kisáŋ, li liìn ji wír vee là jay adzə̀me wáa dzə, a yu a dzə̀ fo Jesus Kristu, a ghaʼ vinyo ve bi ví.

Ŋgàn 12:28

Wìr ghán e Nyùy mbòv, wù kòóy dzəʼə̀m. Wìr bin é dzəə ye sən, wù kù jòʼsì a dzə̀ é kpu.

Ŋgàn 6:34

Dòʼshwiiy lum ŋáʼay e kishiíy fó, é wù siir ŋkfə́tír là mendzən.

Ŋwàʼ Jov 20:28

Bùʼ woo wun lav e dzə̀m wíy səʼsí, kilòŋ kí shwiiy Nyùy e kishiíy fó, é kéŋ rəə́ léŋ e dzə̀m.

Aysaya 10:3

Ven vee vé saʼa, Nyùy wíy lòo màʼ ŋgeʼlàʼ e wòŋ, é vèn yée le? Wù wíy yiì, kitúm ki sasìn, ghíʼ ven e rə́r sí, kù mo shaa kinsəm, lóo laàr wíri, lóo bivír kifá kidzə̀m, é vèn léʼ, e beè a dzə̀ la? Vèn wíy lìtì bùʼ won, a dzə̀ feé?

Esiker 14:14

A fə̀m kì dzə̀ ji wír vee ataár vee Noa, wùn à Daniel, à Jov kì dzə̀ é wòŋ foo fèy, bo njiìn wov wo juŋ yíi bòyìr a dzə̀ áwune vin. Suuy mo woo Nyùy Tàr woo Taà Ndzə.