Ŋgàn 11:30 - ŊWÀʼ NYÙY

³⁰ Wìr wo wù yúnin Nyùy dzə̀ moo kicí ke wíri kfə́rí, á lùŋ fó fo. A wìr wo wù yii ji wíri luŋ, dzə̀ wo á bínsi ji wù kér vifií.

Ŋgàn 11:30 Referans Kwoze

Daniel 12:3

Wír ve á kiiy jeéyjeéy fó vinyòo wíy a dzə kév, a ran, a njàʼkìr moo rán ye yí fəə́ fo kikùm keé yuv. Áwune vin ve á danèr wíri, aá yii mo Nyùy taʼàa wíy a ban moo mejiy, a ban bèy, e dù, e jòʼsì.

Jeem 5:20

Vèn wáa kiíy jii, a wìr bìnèr wír wo wù toon é vinyò ve bi ví, wù kfə́n é bàm, e màʼtì dzə́ə rə kisaŋ rə̀y, bo ŋgaàŋ fə̀ə́r wír woo shooy a dzə̀ fó kpu, e yiì, Nyùy láysín nyanyày vinyò ve bi ví.

Matio 4:19

Jesus jàŋ áwune jii, «Vèn wiy, é vèsən wáa ghan, é m yii, é vèn wáa baʼtí lèn a dzə̀ wíri.»

Ŋgàn 15:4

Jì yee weè dzə̀ moo kicí ke wìr yí, wù lùŋ. Kimboʼtì ki nəə sho, kí wìy a dzə̀ e nyári.

Ŋgàn 3:18

Ví dzə̀ rú kicí ke wìr yí, wù kòóy dzəʼə̀m, a bòŋ ké wìr ve á lumen, e kpù shó.

1 Tesalonika 2:19

A vèr kér shií fo vèn ben, bìʼ fo dzəə̀n ven ve dzəə̀n viwìr vér, e kfə̀n a dzə kishéʼrì kér. Kí búŋ fó bey, bo Tàr wòsən Jesus wíy wìy, vèsən lóo tiy e wùn si, é vèr wáa kàn a dzə̀ ala, é vèr wáa sheʼrí a dzə̀ bìʼ ala, é vèr wáa binsí nsiì a dzə̀ bìʼ ala? Kù wíy a dzə bìʼ ven vin ve vèr kooyin ji wír və́.

Joon 4:36

Wìr wo wù yíi a kav kér vilaʼày, a wù sí káv vifá, báʼti, wáy a dzə̀ é dzə̀ʼə̀m yee là may, a ŋgaà lìm wùn ŋgaà kav yíi tatí, a sheʼrí adzə̀m.

Ŋgaà Yen 2:7

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi. Wìr wo wù wíy so vinyo veé ndzə ye bi fen dzə̀ wo m wíy fo kilíŋ sho, é wù yí kicí ke kí kúy e Nyùy mvə̀m kiboò, a dzə̀ ke wìr yí, wù wàa ker dzəʼə̀m yee là may.»

Nsùyrì Nyùy 92:14

Kí wíy lòo dzə̀n, é kí kú a koóm koomén, a ker mendzə́v é ŋàŋ, a səəné ji lìŋ.

Ŋgàn 12:12

Wír ve á méŋ Nyùyi siíme bùʼ aŋgàa yiì ye bií, a Nyùy kù fó dzə́ə kòóy e wír ve á koŋ wune.

Ŋgàn 14:25

Njen woo là kiloʼ luŋèr wíri, lóo dzə woo ŋgaà kimboʼtì, wù fiìnè wíri.