Ŋgàn 11:29 - ŊWÀʼ NYÙY

²⁹ Ŋgaà melaà e kfəə yòʼ wíy yi vitsə́ʼ vé kfəə. A wìr yúŋsi yùŋsín, wù kfə̀n ji kwǎn fiì.

Ŋgàn 11:29 Referans Kwoze

Ŋgaà Tàrvìnyò 5:16

Kin ki dzə̀ kinyo ke biibí kí féyì, bìʼ fo dzəə̀ ye wìr‑iì wìyìn shó e nsay fèn, kù dzə̀ yìwun ye wù wíy kfən sho. Bo seʼ sòrkìr ye wìr sorkìrìi dzə̀ ka, a wù jum a dzə̀ shwér.

Hosea 8:7

«Wír veé Israyi kù sí wáy a dzə̀ ŋgoòy vinyò ve bi ví, a kee shooy ki kù dzə̀ shwér. Á gísin, wáy bèy, aá kù yíi kav a dzə̀ ŋgeʼ, kù mo kinsəm ki teè vifá, e laàr ŋkuuŋkùŋ. Kwáʼ wóví dzə̀, a vitú ve saŋ ví yòvrí ne, a bó sáŋé yoʼ kùr shó. A kí fə̀m kòóy ji yí kúr, bo kù wíy yi viŋgwìy.

Ŋgàn 15:27

Wìr jum séʼ kiŋkùvrì, wù maʼ ŋgeʼ e wun lav, a wìr wo wù wíy shiíy dzə̀ wo wù ban kòyàr.

Ŋgàn 14:19

Aŋgàa yiì ye bií wíy wìy, e tsəm ndzəə́ e vé yiì ye juŋé si, wír ve á méŋ Nyùyi kù wíy a gvəʼə́m e wír ve á yú Nyùyí shweesí, a màʼ wó.

1 Samuel 25:38

Vishiíy ví wáa meé e ghvə̀m, Nyùy nèn dzə̀v Nabal, wù kpú.

1 Samuel 25:17

Ku kwàʼtì, e yèn ó sa ji sà dzə̀ á yèe le á, bìʼ fo a dzə̀ kinyo kìn kí wìy e ŋgeʼ si e tàr wor wùn à kfə́ə rəə́ kitu. Wù dzə̀ kfə́ə wìr wo bó wìr yòʼ suuy kinyo sho, wù yù.»

1 Samuel 25:3

Yír rəə́‑əə̀ dzə̀ Nabal, a dzə̀ wír woo Kalev ram, yé wiiy və Abigail. Abigail‑iì kér vifií, e kfə̀n bòŋ e ŋàŋ, a lum və dzə̀ wir shilìv she bi shí, a kfə̀n dzə̀ wir kisaŋ.

Kèʼlo 34:30

Jakov dù, e sùúy e Simeon wùn Levi jii, «Vèn wìy ne e lòné e mǒ kitu. Vèn yiì ne, m bír fo wír veé Kanane, à wír veé Peris ve á dzəə̀n é wòŋàne, a wìr dzə̀m sí yiì a bàn mo. Wír vémé dzə̀ ashàr, a wír vìne bàʼtí, e kèʼ rə́r vèsən áwune, bo á yíi laàr vèsən adzə̀m.»