Ŋgàn 11:24 - ŊWÀʼ NYÙY

²⁴ Wìr wùmòʼ dzə̀, a wù kér wó rə́ tèéter, a Nyùy səəvì wun sə́əvin. Wùmòʼ wáa dzə kfə́, a wù gímti gìmtín, e kù tò a dzə̀ é kitàn.

Ŋgàn 11:24 Referans Kwoze

Ŋgàn 19:17

Wìr wo wù shám ŋgaà kitàn, maʼ a dzə̀ Nyùy Tàr ŋgwáʼ, a wù wíy kòr mo wù‑uù màʼàn.

Ŋwàʼ Luk 6:38

Vèn wáa fo fómo, é Nyùy wáa fo sa e ven. Wù lóo fo, é wù fiʼ kijuŋ, e nàŋsín, e nyòʼtì, é ví wáa fàmtìn, a fəə fo nsay. Mfìʼ ye wìr fiʼ kifá sho, e bó a fo e wìr, dzə̀ yìwun ye Nyùy yíi fìʼ sa ké ŋgaàŋ sho.»

Remrí 15:10

Vèn kú a foòr áwune kicaárín bey, e làa yòʼ a ghvə̀ʼ bìʼ kee shoon, é Nyùy Tàr woo Nyùy won wìy a səə̀vì ven é vinyò vidzə̀m ve vèn yii.

Nsùyrì Nyùy 112:9

Wù kér wó rə́ tèéter fo vé kitàne ghán sidzə̀m, aá kù wíy a fèr liì və wo juŋ, e dù, e mày. Á wíy bùʼ wun e vitaáví ví wùn à viwìr vi.

Ŋgaà Tàrvìnyò 11:6

Wáy ŋgoòy se vifa si jeéy jeéy, bìʼ fo bó à yòʼ kiìn ke a dzə̀ kí kùy, a tàm é ghan símóʼ sí, vidzə̀m vi kùy.

Hagay 1:6

Vèn‑eè wày vifá e nsay nyanyày, e kàv shishàr. Vèn yí shishàr she á kérí, kù toóŋe toòŋén, nó meluʼ, a kilòŋ kí kù yúm ven yúmén. Vèn suumè ndzə̀y é wùn, a kintòn ki kù yúy ven yúyín. Ŋgaà lìm lim lim, li mbàm, wù kù wày a dzə̀ é kinshùʼ ke kibàm.

Ŋgàn 11:18

Wìr lóo yiì yii ye bií, bo wù yòʼ yíi a ker séʼ, lóo yiì yii ye juŋe, bo vilaámé və́ ví kù dzə̀ é kiwo.

Ŋgàn 28:8

Wìr wo wù kuʼùr káv və́ a dzə̀ fó seʼ mbóʼmé, kù báʼti a dzə̀ bùʼ wo wìr wo sən yíi lì, e sham ŋgaà kitàn sho.

Ŋgàn 11:23

Wír ve á yúnin Nyùyi dzə̀, aàntaŋ véví wiy e vijuŋ vi, a ve á méŋ Nyùyi dzə̀ kév, a kwaʼtì yéví tínsin Nyùy tínsín.

Ŋgàn 11:25

Wìr lóo fo kicaárín, vikuʼùy ví wàa nəə́ wun. Mo wìr sə́ wíri, kù dzə̀ sá mo á yíi sə sa wun.

Ŋgàn 13:7

Wír ámóʼó li vitú vév ji vé kavi, a bó á yòʼ kér kifá, aámóʼó li vitú vév ji vé kitàne, aá kér bùʼ nyanyày.

Ŋgàn 28:27

Wìr wo wù kér wó rə́ tèéter fo vé kitàne yòʼ wíy a buŋ kifá, yii bèy, aá kù wíy a shov wír wo wù kam fo vé kitàne shóvín.

2 Wòŋ 31:10

Asaria woo kitú ke atàá cù woo ràm fo Tsadok nèn bìnèr jii, «Wíri‑iì kèʼ a wìy e vifá vi e Nyùy Tǎr lav, vèr nèn a ker vifá ve yi kijuŋ, e nèn a yikír, a kur, vifá vi kfə́n a tuyín tuyín vigháʼán. Ví‑iì tùyín ben, bìʼ fo Nyùy Tàr‑iì səə̀vìn wír və́.»

Malakay 3:8

Binèr yémé dzə̀ jii, ‹A dzə̀ kí kòóy ji wìr msòŋ shwiv Nyùy Tàr á?› Rúrú, vèn shwiv mo. Vèn shwiv bèy, kfə̀n dzə́r jii, ‹Vèr shwiv wò e dzəə rəné?› Vèn shwiv mo e nsùʼ woo kintóʼ kee kimòʼón fo vee ghvə̀m vi, shwiv mo é cù se vèn yii.