Ŋgàn 11:23 - ŊWÀʼ NYÙY

²³ Wír ve á yúnin Nyùyi dzə̀, aàntaŋ véví wiy e vijuŋ vi, a ve á méŋ Nyùyi dzə̀ kév, a kwaʼtì yéví tínsin Nyùy tínsín.

Ŋgàn 11:23 Referans Kwoze

Matio 5:6

Bòŋ ké wìr ve jìŋ yár áwune ji á wáa yiì mo Nyùy taʼà, bìʼ fo Nyùy wíy yiì kinyo ke áwune diyì.

Nsùyrì Nyùy 37:4

Kú a sheʼrí ké kí a dzə̀ Nyùy Tàr, é wù yii yiì kinyo ke shilív shé shi diyì.

Jeremia 17:16

Bó yòʼ ghíʼ mo wò ji à tsə́nsí ŋgeʼ e wír vìne. M yòʼ‑oò ló a dìy ji ŋgeʼ si koóy áwune. Wówò, à kì kinyo ke kí fəən fo mǒ shuù, kí dzə̀ e wò si tèéter.

Aysaya 26:9

M lo, m dìy wò feyì vitsə́ʼ vifur ji bo à kù kì dzə̀ wòsò. Ndzə lóo jàv, kiyoy kém kí kù a dìy ji bo à kì dzə̀ wòsò. Kí dzə̀ jii, a wìr dzə̀m woó kitu ke nsay lòo dzə, e kìíy nsər yè, é wù nèn yèʼéy mo kinyo kee ji wìr wáa dzə là jay ki dzəə̀n.

Ŋgàn 10:28

À tiir vifií e Nyùy wùn, yúnin wun, à jòʼsì é vijuŋ. À méŋ wun, kinyo ke à tiir vifií shó ki tàʼrí, e lày.

Nsùyrì Nyùy 10:17

Nyùy Tàr, à yù ne rú tóŋ wìr ve á bórkir e wò si. À kù yii távir melív mev, teer kituʼùr ké, yuúri tóŋ yév.

Hibru 10:27

Wù kù sí dzə́, fan a dzə̀ ghán se Nyùy wíy saʼ wun, e way e ŋgeʼ, bìʼ fo və́y wo ghaʼáné wíy tòn wír ve á ban Nyùy adzə̀m, aá bvə́ʼə́y.

Ŋgàn 11:7

Wìr lóo meŋ Nyùy, wíy kpú, vifií ve wù‑uù tiirin é vifa vi bvəə̀rí, bùʼ wo wù‑uù wáy shilív shó lày kisáŋ.

Nsùyrì Nyùy 119:10

M diy ji m wáa yunín wò shilív shém shidzə̀m, kú a shìy mo fo m jáy dzə́ə, e bìvír nsər sé.

Nsùyrì Nyùy 119:5

M diy feyì ji m wáa ghan a dzə̀ e wò mbòv, a yunín sáʼ yé ghán sidzə̀m.

Nsùyrì Nyùy 27:4

M kù lón a dzə̀ kinyo kimòʼón fo Nyùy Tàr, a dzə̀ kíwun ke m diyì. M koŋ ji m kú a rəsí a e Nyùy Tǎr lav, e dù, e meé mo m wíy kpu, a leéy vijuŋ ve Nyùy Tàr, a yu ntir si fo wun shuù.

Ŋgàn 11:24

Wìr wùmòʼ dzə̀, a wù kér wó rə́ tèéter, a Nyùy səəvì wun sə́əvin. Wùmòʼ wáa dzə kfə́, a wù gímti gìmtín, e kù tò a dzə̀ é kitàn.

Ŋgàn 12:5

Wíri yúnin Nyùy, á gwàrìr vinyo ve réŋ ví. Wíri méŋ Nyùy, á wàa tiy a dzə̀ é kimboʼtì.

Ŋgàn 13:2

Wìr wo juŋ yú vijuŋ, bìʼ kisúŋnìn kfə́ ke juŋ ki, a ŋgaà menàŋ kù yáŋri kfə́ a dzə̀ melaà.