20 Nyùy Tàr yii ban ayìíkum, shéʼri wír ve á ghán e wun mbòv.
Bòŋ ké wìr ve á dzəə̀n là nsem, jumrì kinyo ke Ŋwàʼ Nsər Nyùy Tàr.
Nyùy wom, m kì ji à yii tar melív me wíri, yén she shí tíy tìítiy, à wàa yu vijuŋ. M fò vifá vìn e wò là kiloʼ, a m fò vèr à shilív she juŋ shi. M kfə̀n yèn sá mo wír vé ve á baʼtin fene fó vifá e wò e shilív she juŋ shi, shéʼri.
Wìr wo wù méŋ Nyùy kù yii fə́ti a dzə̀ sí, a wìr woo tìítiy ku yii sayrì dzəʼə̀m rə́.
Wù yii bèy, kwaʼtì a dzə̀ kinyo ke bi kí, báʼti ji wun yii kinyo ke kisaŋ ki, lo, wù nèn màʼ mbvəərì e wírí nsàn.
Wìr lóo dzə là jay, lóo ghan, wù wàa bàʼàr kinyo ke bi kí. Wìr lóo tiír kiwuú, lóo fìʼ, wù kìŋsìn dzəʼə̀m rə́.
Wír ve á méŋ Nyùy Tàrí lóo cù wun, wù tèn cu yév. Wír ve á tíy réŋ e Nyùy kinyòo lóo bùnrì, Nyùy wàa yu vijuŋ.
Yíi lànjòó kiŋsìn wun, a njiìn wìr wo bi kù maʼ wun máʼan.
Nyùy Tàr yii ban aŋgàa kimboʼtì, shéʼri wír ve á yii kinyo là kiloʼ.
A wìr tír wír wo wù shéʼ Nyùy, bo wù kù ló kuù ŋgaàŋ, wìr wáa dìn jay wìr wo wù méŋ Nyùy, bo ŋwèrín kù lo lemér wun.
Wìr lóo yunín Nyùy Tàr, bo wù sí ban kinyo ke bi kí. M ban kiŋkoʼòrwùn, ban lám woo baà.
Rúrú, wír ve á yúnin wòo kù wíy a beèrì wò, a wír ve melív mev mè dzəə̀n tìítiyi wíy a ker kirə́ʼ kév ké dzə, a dzə̀ e wò si.
Rúrú, à kér ké shií é suuyrú wo wù lo a dzə̀ fó shiliv. Ku yèʼéy mo vifií vé, é ví nəə́ e mǒ kwàʼtì.
Nyùy Tàr kù yii yii vinyo tìítiy. Wù yii koŋ yii yee tìítiy, a wír ve melív mev mè dzəə̀n tìítiyi kù wíy a wàrkìr e wun si.
Liì kisaŋ yíi a dzə kwaʼda fo mò, a bó m yòʼ yíi a way kiwó kém é kinyò ke bi kí.
Wìr liì kisaŋ yii kóʼoy fo Nyùy Tàr. Yii bèy, wìr woo tìítiy dzə̀ wo vifií və́ ví yii tíy sho.
Á kiíy ji á kù wíy màʼ ŋgeʼ e ŋgaà yiì ye bií kitu, a wìr wo wù yú Nyùy kù wíy shaàrì.
Viyúŋ ví buʼtì vinyo, e làa yòʼ a ci, yii bèy, wír ve á yii réŋé diy kév a dzə̀ kimán.
Nyùy Tàr nyaysì antaŋ ve bií, shéʼri kiláyláy ke juŋ ki.
