Ŋgàn 11:18 - ŊWÀʼ NYÙY

¹⁸ Wìr lóo yiì yii ye bií, bo wù yòʼ yíi a ker séʼ, lóo yiì yii ye juŋe, bo vilaámé və́ ví kù dzə̀ é kiwo.

Ŋgàn 11:18 Referans Kwoze

Ŋgaà Tàrvìnyò 10:8

A wìr túŋ bií, bo kù yíi gbù wun sho, wìr wáa kiv kirə́v ké lav ji wun nəə́, bo yò kù‑úù té wun.

Jeem 3:18

Kù dzə̀ mo vé kimane yii rə́si wáy ŋgoòy ye juŋ ji nyaáŋ, a nèn káv wír anín vijuŋ fo fo.

Ŋgàn 22:8

A wìr wày kinshwìv, bo wù kù wíy kav a dzə̀ lòn, é táy ye wù táy wírií nèn mày.

Ŋgàn 1:18

Yii bèy, wír vìne kù wáy kitám a dzə̀ kév, aá káv a dzə̀ yév yee kpú.

Ŋgàn 5:22

Vinyo ve wìr wo wù méŋ Nyùy yii vi dzə̀ kitám kfə́, a wù kù yíi bìnkìr, e lì e wun vinyò ve bi ví.

Efesor 4:22

Vèn maʼti ri liì wo vèn‑eè kér fo mbìy. Wù‑uù bìvír ven bívírín, bìʼ fo vèn‑eè wáy vifií a dzə̀ é vinyò ve mensə́ men mè lim, dom ven, a vèn yii.

Joon 4:36

Wìr wo wù yíi a kav kér vilaʼày, a wù sí káv vifá, báʼti, wáy a dzə̀ é dzə̀ʼə̀m yee là may, a ŋgaà lìm wùn ŋgaà kav yíi tatí, a sheʼrí adzə̀m.

Ŋwàʼ Fəə 1:20

Nyùy ku nèn a leéy fo amáŋkooy vìyi, wír veé Israyi kú a kùʼ, a ghaʼtí ghaʼtín.

Ŋgàn 10:16

Wìr yúnin Nyùy, wù wàa ker dzəʼə̀m ye juŋe. Wìr méŋ Nyùy, wù wàa ker liì a dzə̀ wo bi.

Hosea 10:2

Mo áwune lumen ne a dzə̀ kimboʼtì, e kpù shó, bo á kù lo, e màʼ ŋgeʼ aáwune bìʼ njò yev. Nyùy Tàr yíi bvəʼə́y kíy sév sé cù, e kètì sə́y sév sé anyùy.