Ŋgàn 11:17 - ŊWÀʼ NYÙY

¹⁷ À lóo sham wíri, à kàv vijuŋ, e wày é wùn. À lóo nyarnín, à kàv ŋgeʼ, e bàʼtí e kitu.

Ŋgàn 11:17 Referans Kwoze

Matio 5:7

Bòŋ ké wìr ve á rə́r mendzən me wíri, bìʼ fo Nyùy wíy rər sa méev.

Jeem 2:13

A kí dzə̀ jii, Nyùy wíy lòo tàr ké wìr kee kinyo, é la wù yòʼ a rər a mendzən fo wìr wo bó wù yòʼ‑oò ló a rər sa fo wír ámóʼó. Yii bèy, lóo dzə wír wo wù‑uù rə́r mendzən me wír ámóʼó, é Nyùy rə́r sá mvə́ə.

Filipi 4:17

A bó m yòʼ suuy bèn ji m shéʼri a dzə̀ vifá ve vèn‑eè fó e mò. M shéʼri a dzə̀ vilaámé ve Nyùy wíy laamé ven shó bìʼ kinyo ke vèn yii e mò kin.

Daniel 4:27

Nyàr, kí nén a dzə a jii, fòn ku yù á ntir yem. Á ku tìn á kiwuú fó yiì ye bií, a tiy a dzə̀ á e yiì ye juŋe, e fətí wó fo vinyò ve bi ví, a sham a dzə̀ aghéʼncey. Á yii bèy, e ghanmóʼó, aá kfən shaà fo mbìy, a yu a vijuŋ.»

Aysaya 57:1

Wír ve á yúnin Nyùyi lo, á sàsìn, e gbù, e kpù, la wìr yòʼ a ghay ji sà kooy ka bén a? Kpúu lo, yí tàyrí wír vee jwáʼ, e wày é sày, yii bèy, a wìr yòʼ gwarìr kinyo ke kí kooyin. Kí lo, kí kòóy bey, bìʼ fo Nyùy lo, wù tsə̀ʼ wír ve á yú wun, e kù tsə̀ʼ bèy, e fíʼ kìŋsìn áwune fó viròm veé nsay fèn.

Ŋgaà Tàrvìnyò 4:8

Kí dzə̀ ji wìr lo, a wù dzə̀ là wír, là wán, là fə́r, wù kù a gisín e lìm ghán sidzə̀m là meemè, a bó wù yòʼ yén kifá ke wù káví, a kí gheen wun. Bó yòʼ dzə̀ wù mèé é kiliŋ kée dzər jii, «M lim a dzə̀ fo la? Yé a lìm, a bó yòʼ dzə̀ m dzə̀ʼə̀m, a yu vijuŋ.» Kin ki dzə̀ kisáŋ, a dzə̀ lim vishi ve bi ví.

Ŋgàn 15:27

Wìr jum séʼ kiŋkùvrì, wù maʼ ŋgeʼ e wun lav, a wìr wo wù wíy shiíy dzə̀ wo wù ban kòyàr.

Ŋwàʼ Luk 6:38

Vèn wáa fo fómo, é Nyùy wáa fo sa e ven. Wù lóo fo, é wù fiʼ kijuŋ, e nàŋsín, e nyòʼtì, é ví wáa fàmtìn, a fəə fo nsay. Mfìʼ ye wìr fiʼ kifá sho, e bó a fo e wìr, dzə̀ yìwun ye Nyùy yíi fìʼ sa ké ŋgaàŋ sho.»

Ŋwàʼ Jov 20:16

Wù kù yíi nyoŋ ndzəʼ búv, é yì yúy wun, kù mo búv tè wun teén.

Ŋgàn 22:9

Wìr lóo ker wó rə́ tèéter, Nyùy wàa səə̀vì wun, bìʼ fo wù jav vifá ve yi e vé kitàne.