Ŋgàn 11:16 - ŊWÀʼ NYÙY

¹⁶ Wiíy tó sí, á wàa ghvəm wun, lùmèn kù a kàtìr kfə́ kátirin, e bóo kùʼ.

Ŋgàn 11:16 Referans Kwoze

Ŋwàʼ Luk 10:42

a kinyo ke kí dzəə̀n é shií kí dzə̀ kimòʼón. Maria shòʼ ne kee shooy, a bó á yòʼ dzəə́ wìy sə fo fo.»

Lim Aŋgàa Ntum 9:39

Pita ku nèn lò, wùn áwune wáa dù. Wù meé fó, á lì wun, e kòʼ shó e lav yee fó yuv rə̀y. Vikǐy ŋkfə vee fóo báʼtí e wùn ghaŋ adzə̀m, a toŋ, a dìn ndzə̀y se Dokar‑iì tár, jav aáwune é ghan se wù‑uù dzə̀ə́ sho.

2 Joon 1:1

Sàŋ mo woo taà kintatì ŋwàʼ və̀n fo wò, Yìy à Wíri. Shòʼ Nyùy wò. A m sáŋ a dzə̀ fo vèn à wón vée. M koŋ ven é ŋàŋ, bìʼ fo vèsən sí tíy e kinyò ke ru kí adzə̀m. A kù dzə̀ mo wìr wo wù kiìn kinyo ke ru kí e dzə̀m koŋ ven.

Ŋwàʼ Luk 8:3

Wùmòʼ kfə́n a dzə Joana, a dzə̀ wiiy Cusa wo yì‑iì dzəə̀n nshìylav Fòn Heror. Wùmòʼ Susanna wùn à vikìy ámóʼó sá anín. Aá ghán wùn à Jesus, taʼ vibam vév, sə́ wùn à wón və́ lìme shó.

Matio 26:13

Vèn wáa kiíy rú jii, virə́ʼ ve á wíy a fìʼtì sáʼka Nyùy wo juŋ sho kitú ke nsay kidzə̀m, á wíy a fìʼtì sa kinyo ke wiíy və̀n yiìn, a kuumé wun.»

Esta 9:25

Yii bèy, Yaà Esta dù, e bùn fon, fòn nèn sàŋ sáʼ, e fə̀ə́r e nsənnsən ji á biner á menàŋ me Haman kì kár kùm wír veé Juda mèy, a dzə̀ e wun woo Haman kitu. Fòn kfən sə̀ntì ji á ku tàtí a wùn à wóné adzə̀m, e sə̀ŋ é vici.

Ŋwàʼ woó Rom 16:6

Vèn shaʼti sá Maria wo wù wayin ŋàŋ, a lìm fo vèn ji wun wáa sə ven.

Ŋgàn 31:28

Wón vəə́ lo, á wàa koʼór wun, a yòŋ ji bòŋ a kfə́. Lum və lo sa, wù wàa burí wun, a yòŋrì, a suúy jii,

1 Samuel 25:40

Vé ntum Daviri meé é Karmel, e sùúy e Abigail jii, «Davir tùm ver ji vèr wiy, e lì a wò ji à wáa dzə a wíiy və.»

Amos 3:9

Kí nén a dzə jii, á ku dù, e fùŋ á e ntoʼ yeé Ashdod, e fùŋ sáa e yeé Ejiv jii, áwune ku fəə̀, e bàʼtí aàgwan veé Samaria, e yèn á mbvəərì wo wù dzəə̀n fó, á leéy á táy ye á táy wíri fó.

Amos 3:10

Nyùy Tàr suuy a jii, «Wír vìne bìn ne ndzə̀m é suuyrú, e shòŋ vifá, e faàsì ve faasìn ví fo aghéʼnceyí, e sə̀tí aáwuné virə̀ʼ ve tavkín ví.»