1 Nyùy Tàr ban mfìʼ vidzəə̀sì mbóʼmé, shéʼri mfìʼ yee réŋ.
Nyùy Tàr koŋ mfìʼ vidzəə̀sì yee réŋ, a kù siysì wun mo mfìʼ sidzə̀m si dzəə̀n.
Nyùy Tàr ban mfìʼ se mbóʼmé, a mfìʼ se vidzəə̀sì sé mbóʼmé si yoʼ bòŋ.
Mfìʼ vidzəə̀sì mbóʼmé, à mfìʼ yee kintéŋ, sidzə̀m si dzə̀ réŋréŋ, a Nyùy Tàr banè.
Nyùy Tàr yoŋ jii: «Wír veé Israyi dzə̀ vé mbóʼmée, aá koŋ a boʼ wíri, kù mo ŋgaà wày bòʼ wír e mfìʼ vidzəə̀sì mbóʼmé.
Áwune raʼsì wún, a wìr suuy jii, ‹M sì ŋgaà mbàm, a kù jùm mo mbàm sém sin. M gìsín, e bàʼtí bùʼ və̀n e dzə̀m, a bó yòʼ dzə̀ wìr dìn kintéŋ ke kinyò sho, a bó yòʼ dzə̀ sá wìr dìn jay wom.›
