Ŋgàn 10:9 - ŊWÀʼ NYÙY

⁹ Wìr lóo ker yii ye juŋe, wù kìŋsìn kitú, lóo ker yé kisaŋe, wù gbù e Nyùy kitam.

Ŋgàn 10:9 Referans Kwoze

Ŋgàn 28:18

Wìr wo wù gharin suuyrú, e kpù shó kù wíy a tiy là kinyo ké a fàn, a ŋgaà yiì ye bií kù wíy lò kfə́, e to toón é bii.

Matio 10:26

«Kí nén a dzə jii, lá vèn yòʼ a fàn a wíri. Vèn kú a tiisí a dzə̀ ntum yen, a kiíy ji vinyo ve vé‑eè sətin vidzə̀m vi kér fó wìy yensín, é wíri kiíy ve ví‑iì dzəə̀n é kilìr vidzə̀m.

1 Timoti 5:25

Kù dzə̀ réŋréŋ sá mo wíri yii yii vinyo ve juŋ vi, a vé wùmòʼ ví yénsin cér, la á yòʼ a tav, a yen vé wùmòʼ. Yii bèy, a bó yòʼ dzə̀ ví lày láyin. Ghán sí yii gheenè, ví yènsín.

1 Korin 4:5

Mo kí dzəə̀n bey, bo kí yoʼ ghèén ji vèn wáa sayrí kinyo ke wìr, a tav, a toʼ mo vèn yén, a kí dzə̀. Wíy lóo dzə e ghan se Tàr wòsən Jesus Kristu wíy kfən, é bo din wun mo kí dzəə̀n. Wù wíy fəə́r vinyo ve ví dzəə̀n lèn e kilìr vidzə̀m fo meranén, e kfə̀n dìn vinyo ve wíri kwaʼtì aáwuné meliv. Wù yii bèy, é nèn a sheʼrí Nyùy wír réŋréŋ mo kinyo kfə́ kí dzəə̀n.

Ŋgàn 3:23

Ví yíi a kìŋsìn wò, áà wáa ghan kijuŋ, a bó à yòʼ yíi bàyrìn.

Nsùyrì Nyùy 84:11

Nyùy Tàr, wun woo Nyùy dzə̀ shuy wìr və́, a kfə̀n dzə̀ wun kikiŋ kév. Wù din koŋ rə́ aáwune, kóʼor ghay wóv. Bó yòʼ dzə̀ wù kìm kifá ke juŋ ki fo wír vəə́, wír və́, ve á ghán e wun mbòv, là kiloʼ.

Nsùyrì Nyùy 25:21

M leey a dzə̀ wò Nyùy Tàr, ku kìŋsìn mo. Kìŋsìn mo wo m tíy a dzə̀ é suuyrú, kwaʼtì vinyo, a dzə̀ vee tìítiy.

Ŋgàn 17:20

Wìr lóo ker shilív she bi shí, la vikuʼùy ví yòʼ a nəə́ wun. Wìr lóo boʼtí kimboʼtì, wù nə̀ə́ é ŋgeʼ.

Nsùyrì Nyùy 23:4

Áà Nyùy Tàr, a m fèn shaa e kiwoóy, a kí sə́n, beéme e le, la m yòʼ a fàn kileémé, bìʼ fo à dzəə̀n wòsò. À kiŋsìn mo e kibur ké ki, danèr mo e mbàŋ yè, a m yú vijuŋ.

Ŋgàn 26:26

A wù fə̀m litì vibàn və́ e kimboʼtì ki, bo liì və kisaŋ kù wíy toʼór e wírí mvəm.

Kèʼlo 17:1

Abram meé kiyá nshòv bvə̀ʼə̀ e mbvə̀ʼə̀ (99), Nyùy Tàr wìy fo wun wùn, e sùúy sho jii, «M dzə̀ Nyùy woo Ŋgaà Vitaàví Vidzə̀m. Á yunín mo, a yiì vinyo vee tìítiy vi, a dzə là nsem,

Ŋwàʼ Jov 8:20

«Ké ru kí, bó Nyùy yòʼ wíy bìn ndzə̀m e wìr woo là nsem, a bó wù yòʼ wíy a tom wír ve bií.

Ŋgàn 28:1

Wír ve á méŋ Nyùyi nyéŋ là ŋgaà jùm, a ve á yú Nyùyi tíy ji ŋkǐŋ moo bvərə̀ʼ.