Ŋgàn 10:7 - ŊWÀʼ NYÙY

⁷ Wìr boŋ e liì, wù kpù, e gòʼ e njèm, bír e liì, á dzəə̀mè, e lò fo kitu wo.

Ŋgàn 10:7 Referans Kwoze

Nsùyrì Nyùy 112:6

Kinyo ki yòʼ wíy sə̀ʼ wír wo wù yúnin Nyùy. Wíri kù wíy a kuumé wun, e dù, e jòʼsì.

Ŋwàʼ Luk 1:48

Wù kuùmé ne mo, a m dzə̀ wán və lìm fo tèr. Wìr dzə̀m sí wìy a yòŋ mo lèn ji ŋgaà mbùʼme Nyùy,

Maak 14:9

Vèn wáa kiíy rú jii, virə́ʼ ve á wíy a fìʼtì sáʼka Nyùy wo juŋ sho kitú ke nsay kidzə̀m, á wíy a fìʼtì sa kinyo ke wiíy və̀n yiìn, a kuumé wun.»

Nsùyrì Nyùy 109:13

Á ku ndzəə̀r rám rə́ ndzə́ərin, é yír rəə́ ku lày fo ŋgwàʼ ye yì wíy a kuy.

2 Wòŋ 24:16

Vé‑eè dzəə̀mè wun e Ŋkàlaʼ Davir e fəm fo vé‑eè litì afon, bìʼ fo wù‑uù lìmèn kijuŋ e Isray. Wù‑uù tàʼtìn féyì bìʼ Nyùy wùn à lav cù.

Nsùyrì Nyùy 109:15

Nyùy Tàr kú a kuumé ajay atàr və́ ghán sidzə̀m, aá ku sə̀ʼsí yír ŋgaàŋ fo wòŋ, é kinyo kfə́ kí lay láyin ŋkuuŋkùŋ.

Ŋwàʼ Jov 18:17

Wìr msòŋ woó kitu ke nsay e dzə̀m làysìn ne wun, a bó wìr yòʼ dzəə́ kiiy wír wùmòʼ ji wun.

2 Afòn 19:34

M wíy kìŋsìn ŋkàlaʼ rə̀n, e bòyìr. M wíy yiì bèy, bìʼ viwìr vém, à shií wo m kér bìʼ ŋgaà wom lìm woo Davir.»

1 Afòn 11:36

M wíy fo rám ye mòʼóne e wan və, é Davir woo ŋgaà wom lìm fíʼ a ker kikaʼày ke kí wáa ban e mǒ si e Jerusalem wo dzəə̀n ŋkàlaʼ ye m shoʼon ji yéem.

Ŋgaà Tàrvìnyò 8:10

Rúrú, m yèn ne fo á dzəəmè wír ve bií wùn à ghvə́me, a kù dzə̀ áwune vin ve vé‑eè shiiy shiìyín é lav cù, a wíri kù búri áwune búrín é ntèʼ fo vé‑eè buʼtì vinyo. Kee shooy ki kù dzə̀ sá kisáŋ ke kinyò.

Ŋwàʼ Jov 27:23

Wíri yíi a kaarí, a kwaʼ wó e wìr wo wù méŋ Nyùy kitu, a beèmè wun béemen é kirə̀ʼ ke wù dzəə̀n shó.»

Jeremia 17:13

Éè Nyùy Tàr, wò woo fo kwaʼtì Israyi tíyí, wír ve á méŋ wòo wíy woomé. Wír ve á bin ndzə̀m e wòo wíy a dzə moo kinyo ke á saŋen é kibvə̀r, bìʼ fo á meŋen ne Nyùy Tàr, wun wo dzəə̀n ntoò ndzə̀v ye yì fəər mendzə́v me mè fó dzəʼə̀m.

2 Wòŋ 32:33

Fòn Hesekiya‑aà lày, á lìtì e mbìv kùy kirə̀ʼ ke vé‑eè litì afon vee rám Davir sho. Wír veé Juda adzə̀m wùn à wír ve vé‑eè dzə́ e Jerusaleme‑eè dìy kpú rə́ e ghvə́me shó. Manasse woo wán və nèn yì vifon, a saʼ e wun ntaʼ.

Ŋwàʼ Jov 24:20

Ayìy véví ku làysìn áwune, é séʼ si ku là wún wóv nyom nyom, é yír yéví lay láyin. Á ku laàr áwune láarin moo kicí ke á bàʼàn, e sàn.

Nsùyrì Nyùy 34:16

Wù yíi kòr sí fo wír ve á yii vinyo ve bi ví, é yír yéví lay fó kitu ke nsay.

Ŋgàn 22:1

Bòŋ kée shoʼ yír ye juŋe, e shaà vikuʼùy veé ŋàŋ. Bòŋ keé shoʼ koŋ ye wíri wáa kòŋ wò, e shaà mbàm.

Aysaya 14:22

Nyùy Tàr woo Taà Mànjòŋ suuy jii, «M wíy ŋaʼáy, e sə̀r wír veé Babilon, e laàr yír ŋkàlaʼ yee yéev ye yí dùnìn ne, e laàr wir dzə̀m wo wù berin, à wóné, à wón woné, é la wìr yòʼ fə̀m bèr e mòʼón. Kù suuy mo woo Nyùy Tàr.

Nsùyrì Nyùy 34:17

Wír ve á yúnin Nyùyi tóŋ e wun, wù yù tóŋ yév, tóŋé, wù fə̀ə́r áwune fó mvə̀m ŋgeʼ.

Nsùyrì Nyùy 41:5

Yii bèy, aŋgaà vém vibàné kù leey mo a dzə̀ e shilív she bi shí. Á keŋ jii, «Wù fèn wíy kpu e ghàn ka, ye yír rəə́ lay?»