Ŋgàn 10:4 - ŊWÀʼ NYÙY

⁴ À njoó, à kpù é nembuŋ, táví, à kpù é nefùʼ.

Ŋgàn 10:4 Referans Kwoze

Ŋgàn 21:5

Wìr báʼti ji weè, lim kitávín, wù tò é bùʼ, girì, wù tò a dzə̀ é kitàn.

Ŋgàn 20:4

Wìr njoó fóo shèv súm e lùm, á wíy lóo kav vifá, wù bùŋ vifá vée kav.

Ŋgàn 19:15

Wìr lóo dzə njoó, wù wàa buuné, a tonén, lóo dzə e làa yòʼ a lìm kifá, wù kpù jíŋ.

Ŋgàn 13:4

Njoó diy vifá, kù kpú e kitàn, a ntav kù yii kér vifá ve wù diyì vidzə̀m.

1 Korin 15:58

Á bèy lèn, ŋkar sém sé sày, vèn wáy ri shilív, a tiy kitávín, a yu kinyo kimòʼón cáʼ ji kinyo ke Tàr wòsən Jesus Kristu, a kiíy ji kinyo kidzə̀m ke wìr yii bìʼ wun woo Kristu ki yòʼ dzə̀ á kí lày kisáŋ.

Ŋgàn 20:13

Lá à yòʼ a kòŋ mbuùné, fóo yiì kpu kitan. Lò é yuv, a lìm kitávín, áà yiì a ker vifá ve yi nyanyày.

Ŋgàn 19:24

Njoó wáy kiwó e kighin, kí ghàʼ, fə̀m à fo wù fəə́r, e wày é shuù.

Ŋgàn 12:24

Wìr lim kitávín, wù wàa dzə kilìmbìy, wìr njoó, wù kfə̀n ji kwàn.

Ŋgàn 11:24

Wìr wùmòʼ dzə̀, a wù kér wó rə́ tèéter, a Nyùy səəvì wun sə́əvin. Wùmòʼ wáa dzə kfə́, a wù gímti gìmtín, e kù tò a dzə̀ é kitàn.

Joon 6:27

Lá vèn yòʼ a way vifií é vifa ve yi ve wìr yí, bo wù kù dzəə́ wìy kpu. Vèn wáa way vifií a dzə̀ é vifa ve yi ve ví fó dzəʼə̀m yee là may. Kù fó ŋgaà wo yírí dzəə̀n *Wanwìr vee shooy vee vifá ve yi, bìʼ fo Nyùy Tàr wayin kisəə́y ké lìm yee shooy a dzə̀ e wùn kiwo.»

Ŋgaà Tàrvìnyò 10:18

Wìr njoó fóo naŋsín vitú ve lav, ví fòy, maʼ wún lóo dzə, ví wàa shem.

Ŋgàn 10:5

Wan wo wù sə́ yè wov é ghan sé ŋkav vifa dzə̀ wo wù kér vifií, wo wù buúne e ghan se vifá vi biyin, shoor tàr wov.

Ŋgàn 12:27

Ŋgaà jwim woo njoó koó nyám, la wù yòʼ bàv, a wìr wo wù yii kinyo, sə́ʼəmè dzə̀ wo wù yíi a ker kéŋ.

Ŋgàn 18:9

Wìr woo njoó kù dzə̀ fər ŋgaà kimbivìr.

Kèʼlo 26:32

Wáa dzə e kishiíy fóo fèy, wón lìm Aysìi wìy, e bì wun kùm ndzə́v ye áwune‑eè tuŋen. Áwune suúy jii, «Vèr dzə̀ a yén mendzə́v.»