Ŋgàn 10:32 - ŊWÀʼ NYÙY

³² Wìr lóo yunín Nyùy, wù kìíy jí ye juŋ, méŋ wun, wù kòytí kimboʼtì.

Ŋgàn 10:32 Referans Kwoze

Ŋgàn 15:28

Wìr yú Nyùy, wù wàa bìnèr kinyo, a mèy shintíy. Wìr wo wù méŋ Nyùy mvəʼ kfə́ shuu, kù a fəə vinyo ve bi ví.

Ŋgàn 12:18

Lám wo bií lémer wír moo nyùy rə̀r ye á baàyìn, a kisúŋnìn ke fiì kí fer wír férin.

Ŋgàn 12:6

Ntir wìr ve á méŋ Nyùyi dzə̀ kitám ke kinjuyrì, a wír ve á yú Nyùyi luŋèr kév wíri lúŋerin.

Ŋgàn 11:11

Nyùy buʼ wír və́, yír ŋkàlaʼa nànèn. Wíri méŋ Nyùy, á tòn ŋkàlaʼ e shúu.

Ŋgàn 2:12

Vifií vé vi yíi a bòyìr wò fo ayìíkumé wo, ví yíi a bòyìr wò fo aŋgaà lám bàá wo,

Ŋgaà Tàrvìnyò 12:10

Wù‑uù wày féyì ji wun tar á jí se gheenén sí, e bóo fíʼ saŋ vinyo ve wù sáŋé a dzə̀ mo ví yii dzə́.

Ŋgàn 15:2

Fiì súŋninè, wìr dzə̀m kù yèʼéy kinyo. Kiyúŋ kí mvəʼ shuu, kù a fəə kiyúŋsì.

Titur 2:8

Kú a fèr jí si a dzə̀ se ru sí se bó yòʼ dzə̀ wìr wàa ker kinyo kée suúy e mvəm wó, é wìr wo wù kinèn kinyo késən fíʼ woomé, e buŋ kinyo ke dzə̀ wù lòr vèsən shó.

Daniel 4:27

Nyàr, kí nén a dzə a jii, fòn ku yù á ntir yem. Á ku tìn á kiwuú fó yiì ye bií, a tiy a dzə̀ á e yiì ye juŋe, e fətí wó fo vinyò ve bi ví, a sham a dzə̀ aghéʼncey. Á yii bèy, e ghanmóʼó, aá kfən shaà fo mbìy, a yu a vijuŋ.»

Ŋgaà Tàrvìnyò 10:12

Fiì lóo suŋnín, wíri wàa ghvəm wun, kiyúŋ kí súŋninè, kí bìvír kitú kfə́.

Ŋgàn 4:24

Kiír kimboʼtì ki fo wò shuù, à kfə́ə lǎm kinshwìvi e dzə̀m.

Ŋgàn 6:12

Rúrú, wìr liì kisaŋ lo, wù wàa ghan, a leèrì wíri e lám kinshwìvi.