Ŋgàn 10:30 - ŊWÀʼ NYÙY

³⁰ Bó kifá ki yòʼ wíy sə̀ʼsì wír ve á yú Nyùy, aá wíy fəə́r wír ve á méŋ wun fəərín fó wòŋ.

Ŋgàn 10:30 Referans Kwoze

Nsùyrì Nyùy 37:22

Rúrú, wóŋe kù wíy a dzə wó wìr wo Nyùy Tàr səə̀vìn, a wù kù wíy laàr wír ve wù shovin ne láarin fó wòŋ.

Nsùyrì Nyùy 125:1

Wír ve á wayin shilív e Nyùy Tǎr wùné dzə̀ moo Gwan Sion, wo bó yòʼ dzə̀ kifá ki sə̀ʼ, a wù tíy ji ŋkǐŋ ghán sidzə̀m.

Ŋgàn 10:25

Kinsəm ki kù baʼ a dzə̀ wír wo wù méŋ Nyùy, a wo wù yúnin wun, tíy kfə́ kitávín ji ŋkǐŋ.

Nsùyrì Nyùy 16:8

M kù tiir a dzə̀ Nyùy Tàr fó mbìy ghán sidzə̀m. Wù dzə̀ e mǒ koy yìyí, a bó yòʼ dzə̀ kifá ki sə̀ʼ mo.

Matio 21:41

Á nèn bìnèr jii, «Bo wù yíi nyàvrì e vifá ve kwaʼ vìy ví, e yuyrí, e fo súm e wír ve səné ve dzə̀ á wàa fo rə́ə yee mbìv vifa.»

Nsùyrì Nyùy 112:6

Kinyo ki yòʼ wíy sə̀ʼ wír wo wù yúnin Nyùy. Wíri kù wíy a kuumé wun, e dù, e jòʼsì.

Nsùyrì Nyùy 52:5

Yii bèy, Nyùy yíi sènèr wò ŋkuuŋkùŋ. Wù yíi sèn wò, e sə̀ŋ, e fəə́r fo wò kibàn, e laàr wò fo kitu ke nsay láarin.

Ŋwàʼ Jov 17:9

Yii bèy, wìr wo wù yúnin Nyùy kù yòʼ wíy a tiy a dzə̀ e wun mbòv, é wo wù yòʼ wáy kiwó e kinyò ke bi kí wáa kuy kuyín e wun liì.

Nsùyrì Nyùy 15:5

Dzə̀ wír wo wù foor wíri mbàm, e làa yòʼ a dzər visókì, a bó wù yòʼ sə́ kòyàr fo wìr ji wun tiím vinjen ve kisaŋ vi. Wìr wo wù kér liì woo ben, kinyo ki yòʼ wíy sə̀ʼ wun.