Ŋgàn 10:29 - ŊWÀʼ NYÙY

²⁹ Nyùy kiŋsìn wír ve á tíy tìítiy, laar ve á méŋ wun láarin.

Ŋgàn 10:29 Referans Kwoze

Ŋgàn 21:15

Á tínen kinyo e nsànloŋ, wír ve á yú Nyùyi wàa sheʼrí sheʼrín, ve á méŋ wune kù a seèmè seèmèn.

Filipi 4:13

Mo kù fó Jesus Kristu vitaáví e mò, m nén a dzə, vinyo vidzə̀m vi wáa gheén mo gheénén.

Sekariya 10:12

Mo woo Nyùy Tàr, m wíy luŋ wír vém, aá wáa dzə antav, e yiì, aáwune wáa ghan e mǒ mbòv. Suuy mo woo Nyùy Tàr.»

Aysaya 40:31

Yii bèy, wír ve á yoy, tiir a dzə̀ e Nyùy Tǎr wùné kù wíy a gàr, a dù duùn fó mbìy, a gàr, là dór, kù moo lùŋ wo wiy wo wù féŋ e yuv. Áwune wíy a nyeŋ, e làa yòʼ a dor, a ghan, é la shwín sév sí yòʼ a seèm.

Nsùyrì Nyùy 92:7

mo wír ve á méŋ Nyùyi fə̀m kúy moo vikwiíy, a wír ve á kér yii ye bií kuʼkìr kùʼkìn ben, áwune kù wíy lày a ŋkuuŋkùŋ.

Nsùyrì Nyùy 84:7

Vitaáví vév ví kù kúy, du duùn fó mbìy, aá kù yíi dù, e yen Nyùy e Sion, wun woo Nyùy wo wù shaàn anyùy adzə̀m.

Nsùyrì Nyùy 37:20

Yii bèy, wír ve á méŋ Nyùyi wíy kpu, e lày làyìn. Áwune dzə̀ moo vibuushì veé kwaʼ ve ví tó sí. Ví lo, ví nèn lày moo kindzə́ʼ ke kí ŋeemen, e lày.

Nsùyrì Nyùy 36:12

Wír ve á méŋ Nyùyi víne mo á gbùkìn ne, a neŋ. Á néŋé, a dzəə̀ yée lò e yuv yòʼ kfən dzə̀.

Nsùyrì Nyùy 1:6

Nyùy Tàr kù yii shiy wír ve á yúnin wun, a wír ve á méŋ wune kù wíy lày kév láyin kisáŋ ŋkuuŋkùŋ.

Ŋwàʼ Jov 31:3

Bó ké wìr ve á kér liì kisaŋ ki yòʼ kù jòʼsì ŋgeʼ, ké wìr ve á buʼtì vinyo nyár à?

Ŋgàn 13:6

Yíi lànjòó kiŋsìn wun, a njiìn wìr wo bi kù maʼ wun máʼan.

Hosea 14:9

A wìr kér vifií, ŋgaàŋ kù səə̀m vinyo vìn vidzə̀m, e lèm e kitu. Wìr wo wù kiiy jeéyjeéy fó vinyò ku nə̀ə́ e mvəm wó, e kìíy mo ví dzəə̀n. Ntir se Nyùy Tàr sidzə̀m si kù yii dzə́ tìítiy, a wír ve á ghán e wun mbòví jumrì ntir see shooy, a wír ve á méŋ wune bayrìn kév shó, gbukìrì.

Ŋgàn 11:7

Wìr lóo meŋ Nyùy, wíy kpú, vifií ve wù‑uù tiirin é vifa vi bvəə̀rí, bùʼ wo wù‑uù wáy shilív shó lày kisáŋ.