Ŋgàn 10:25 - ŊWÀʼ NYÙY

²⁵ Kinsəm ki kù baʼ a dzə̀ wír wo wù méŋ Nyùy, a wo wù yúnin wun, tíy kfə́ kitávín ji ŋkǐŋ.

Ŋgàn 10:25 Referans Kwoze

Nsùyrì Nyùy 15:5

Dzə̀ wír wo wù foor wíri mbàm, e làa yòʼ a dzər visókì, a bó wù yòʼ sə́ kòyàr fo wìr ji wun tiím vinjen ve kisaŋ vi. Wìr wo wù kér liì woo ben, kinyo ki yòʼ wíy sə̀ʼ wun.

Nsùyrì Nyùy 58:9

Á ku laàr áwune é kimbùmmbúm, aá lay cér, e shaà mo kì dzə̀ ntòn yù və́y.

Ŋgàn 12:3

Bó yòʼ dzə̀ wìr tìím e Nyùy si, a wù buʼtì vinyo ve bi ví. Yii bèy, wír ve á yúnin Nyùyi kù tíy kév ji ŋkǐŋ.

2 Timoti 2:19

Yii bèy, a bó yòʼ dzə̀ kifá ki sə̀ʼ kinsə̀ŋ ke Nyùy wayin gheéy, aá sàŋ shó jii, «Nyùy kì wír ve dzəə̀n ji və́,» e kfə̀n sàŋ jii, «Wìr dzə̀m wo wù suuy ji wun dzə̀ wir Nyùy, kù kér fó a màʼtì vinyo ve kisaŋ vi.»

1 Timoti 6:19

Á lóo yiì bèy, aáwune nèn a ker vikuʼùy ve dzə̀ á wàa tiír vifií shó a dzə̀ ve dzə̀ ví wìy shaàrì, aá kfən nə̀ə́ e dzə̀ʼə̀m yee là may ye dzəə̀n dzəʼə̀m ye ruú.

Efesor 2:20

A kfəə́ rə̀ne dzə̀ sá lav wun woo Nyùy ye wù bóm e kinsə̀ŋ ke aŋgàa ntum Kristu ve á yú fo Nyùy shùu wayin. A kù dzə̀ Jesus Kristu tíy ye yí tóm kinsə̀ŋ kìn.

Matio 16:18

M nén a suúy e wò jii, à dzə̀ Pita, a m yíi bàʼrì kintatì kém é kitu ke kilan fèn, a bó yòʼ dzə̀ kpú, yí laàr kintatì kee shooy.

Aysaya 40:24

Á kù dzə̀ moo mbìy kifa ye á shoʼon, e dù bìy, a dzə moo ŋgoòy kifa ye á kù wayin wáyín. Vifá vìn vi keʼ lóo kuy, shwér woó tsəné shaa, fee, ví nèn kù rə̀ʼtí, e yùm. Kù dzə̀ réŋréŋ mo ké atǎr saʼ ki dzəə̀n e Nyùy si. Wù lo, wù yèr áwune fó antaʼ mo kinsəm ki fèér vishaárín.

Ŋgàn 12:7

Nyùy laar dzəʼə̀m wìr ve á méŋ wun, bo kév kí kù mày ne, a melav me wìr ve á yii mo Nyùy taʼà mè kù tíy fo ji ŋkǐŋ.

Ŋgàn 1:27

Fane yíi sùm ven é njà kinsəm, é ŋgeʼ si sum ven moo kiìkir. Vèn lóo buʼ, lóo kfər sóŋ, é m wáa sheʼ ven sheʼén.

Ŋwàʼ Jov 21:18

Áwune kù yòʼ dzə̀ rú moo kisáŋsáŋ ke shwéri li, du sho a? Á kù yòʼ dzə̀ moo mvə́y se kinsəm ki feer feèrín á?

Ŋgàn 10:30

Bó kifá ki yòʼ wíy sə̀ʼsì wír ve á yú Nyùy, aá wíy fəə́r wír ve á méŋ wun fəərín fó wòŋ.

Ŋwàʼ Jov 17:9

Yii bèy, wìr wo wù yúnin Nyùy kù yòʼ wíy a tiy a dzə̀ e wun mbòv, é wo wù yòʼ wáy kiwó e kinyò ke bi kí wáa kuy kuyín e wun liì.

Ŋwàʼ Jov 20:8

Wù kù wíy shaà ji ghaàr moo njèm, a bó yòʼ dzə̀ wìr kfə̀n yèn wun. Rúrú, Nyùy kù wíy laàr wun, é wù ŋeémé, e lày moo vinjeenjèm.

Nsùyrì Nyùy 58:10

Wír ve á yúnin Nyùyi wíy lòo yen mo wù maʼ ŋgeʼ e wír ve bií, aá wáa sheʼrí. Áwune kù wíy a sù wúu yév e wír ve bií mensə.

Nsùyrì Nyùy 125:1

Wír ve á wayin shilív e Nyùy Tǎr wùné dzə̀ moo Gwan Sion, wo bó yòʼ dzə̀ kifá ki sə̀ʼ, a wù tíy ji ŋkǐŋ ghán sidzə̀m.