Ŋgàn 10:24 - ŊWÀʼ NYÙY

²⁴ Kinyo ke wìr wo wù méŋ Nyùy, fanè, kí kù yíi koóy wun, a ké wìr wo wù yúnin Nyùy ki dzə̀, a wù kù yíi a ker ke shilív sə́ shí tíy sho.

Ŋgàn 10:24 Referans Kwoze

Nsùyrì Nyùy 145:19

Wù fó vifá ve wír ve á ghvə́m wune kér shií shó, yú tóŋ yév, luŋèr áwune.

Matio 5:6

Bòŋ ké wìr ve jìŋ yár áwune ji á wáa yiì mo Nyùy taʼà, bìʼ fo Nyùy wíy yiì kinyo ke áwune diyì.

Aysaya 66:4

Bìʼ bey, mo woo Nyùy Tàr yíi màʼ ŋgeʼ aáwuné kitu, e yiì, é kinyo ke áwune fan fànèn kí wáa dzə kíwun ke kí lo, e koóy áwune. M yíi màʼ ŋgeʼ aáwuné kitu, bìʼ fo mò‑oò jàŋèn áwune, á tén fóo ghay, a suŋnín aáwune, á tén fóo yuurí. Áwune ló fó fo, a bùʼtì a dzə̀ vinyo e mǒ si, a dù duùn fó mbìy, e kù toòmé a dzə̀ kinyo ke kisaŋ ki, liì, aá kì ji wù tínsin a mo.»

Ŋwàʼ Jov 15:21

Wù lo, wù yù kiyor, a kí yor, bémer wun, wù lóo yen ji vinyo vi ghán e mboʼ, ashóŋé nèn nə̀ə́ wun.

Hibru 10:27

Wù kù sí dzə́, fan a dzə̀ ghán se Nyùy wíy saʼ wun, e way e ŋgeʼ, bìʼ fo və́y wo ghaʼáné wíy tòn wír ve á ban Nyùy adzə̀m, aá bvə́ʼə́y.

Joon 16:24

Kèʼ mo vèsən‑eè dzəə̀n, e meé lèn, vèn yòʼ‑oò yiì ne lòn kifá fo Nyùy e mǒ yir. M nén a suúy e vèn lèn jii, vèn wáa lon rì bèy, é Nyùy wàá fó, é kishéʼrì ki nèn màysì, e rùn e věn meliv.

Joon 14:18

«Bó m yòʼ wíy màʼtì ven ji vèn siíy, e jàáy jaayín. M wíy kfən, a dzə vèsən.

Nsùyrì Nyùy 21:2

À fò ne wun kifá ke shilív sə́ shí tíy sho, bó à yòʼ‑oò lo ŋwèy wun kinyo ke wù‑uù lonen fo wun shuù.

Ŋwàʼ Jov 3:25

Kinyo ke mò‑oò fanè ki kù dzə̀ kíwun ke m tó sho, ke mò‑oò leey, a wúné beéme mo kí kù dzə̀ ke kí kooy mo.

Nsùyrì Nyùy 37:4

Kú a sheʼrí ké kí a dzə̀ Nyùy Tàr, é wù yii yiì kinyo ke shilív shé shi diyì.

Ŋgàn 1:26

bo ŋgeʼ si yíi nəə́ ven, é m wáa sheʼ ven shéʼén. Vèn yíi a fàn, a yàʼ, é m wáa te a dzə̀ lám.

Ŋgàn 1:27

Fane yíi sùm ven é njà kinsəm, é ŋgeʼ si sum ven moo kiìkir. Vèn lóo buʼ, lóo kfər sóŋ, é m wáa sheʼ ven sheʼén.

Ŋgàn 15:8

Wír ve á méŋ Nyùy Tàrí lóo cù wun, wù tèn cu yév. Wír ve á tíy réŋ e Nyùy kinyòo lóo bùnrì, Nyùy wàa yu vijuŋ.

Esiker 11:8

Vèn fan kpú yeé shùu rər, a m yíi tsənsí rə́r, é sí nəə́ ven.

Daniel 4:28

Vinyo vìn vidzə̀m vi ku nèn lò, a koóy Fòn Nebukadnessar.