Ŋgàn 10:22 - ŊWÀʼ NYÙY

²² Kisəəvì ké Nyùy Tàr kí dzə̀ vikuʼùy, a bó wù yòʼ yii bár mendzən sho.

Ŋgàn 10:22 Referans Kwoze

Nsùyrì Nyùy 107:38

Nyùy Tàr kù a səə̀vì áwune, á wàa dzəə́, a kùʼ, nyám sév sí wàa kùʼ sa.

Kèʼlo 26:12

Aysi‑iì wày vifá e nsay foo fèy e kiya kee shooy, e kàv kirə́ʼ wií, e shaà mo wù‑uù wayin. Nyùy Tàr kú a səə̀vì wun,

Kèʼlo 24:35

Nyùy Tàr səə̀vì ne tàr wor lìm feyì, wù wáa dzə ŋgaà kav. Nyùy Tàr fò ne wun ŋgoo se njiì wùn à sé nàʼ si, visha ve mbàm, ke fəvír kí wùn à ke baar kí, vé lìm vee vilum wùn à vee vikìyí, akamer wùn à vimbèʼbìy ví.

Kèʼlo 12:2

M wíy yiì, áà wáa ker kfəə́, é yí wìy a dzə kitúm ke kuʼùn kí. M wíy bùʼ wò, e yiì, é yír yée wáa dzə yír ye kuʼùné, áà wáa dzə wir kisəə̀vì fo wíri.

Nsùyrì Nyùy 37:22

Rúrú, wóŋe kù wíy a dzə wó wìr wo Nyùy Tàr səə̀vìn, a wù kù wíy laàr wír ve wù shovin ne láarin fó wòŋ.

Ŋgàn 20:21

A wìr gìtì, e yì vitsə́ʼ, a bó yòʼ sì ghán, bo kí yòʼ wíy dù réŋ.

Kèʼlo 13:2

Abram‑eè dzə̀ ŋgaà kav wo ghaʼán, kér nyám si wùn à visha ve mbàm ve fəvír ví, à ve baar ví.

Ŋgàn 28:22

Ŋgaà vikaàmè kù yii búʼ kfə́ ji wun kuʼ cér, a bó wù yòʼ kì ji wun kù yíi jòʼsì a dzə̀ é kitàn.

Sekariya 5:4

Nyùy Tàr woo Taà Mànjòŋ yoŋ jii, ‹M wíy tsənsí lòn é wòŋ, é wú nəə́ áàshóŋé melav, e nə̀ə́ sa e wír ve á bóʼti kimboʼtì, kan yír yém kisáŋé lav. Wú nəə bèy, é wú goʼ fó, e laàr kifá kidzə̀m, à vicí vé lav vi, à tíyí shó.› »

Kèʼlo 14:23

ji bó m yòʼ ghár a kiŋkív ke ntar fo fòn vifa, kìn dzə̀ ka, fo fòn wìy a dzə̀v nsaŋ a ji yì‑iì yiì wun, bo Abram kuʼ.

Joshua 6:18

Wìr kim kitú kfə́, a yen fóo màʼ kiwó e kifa ke nshwì, a fə̀m dzə̀ ka. Mo kí siìn nshwì, bo kí yíi sə̀ŋ lòn, e wìy sho e kibeèy, é kí bír, é ŋgeʼ ye tavín nəə́ wír veé Isray.

1 Afòn 21:19

À du, à sùúy shó jii, ‹Nyùy Tàr dzə́r a ji wù sà yùyrí ne Nabot, e yòv súm və́ á? Nyùy Tàr nén a suúy e wun a jii, kirə́ʼ kee fo jwí si‑iì laan mensə́ me Nabot, kù dzə̀ sáa fo sí wíy la mvə́ə.› »

Kèʼlo 26:13

wù wáa ker kéŋ, yí wáa kuy, wù wáa dzə ŋgaà bùʼ.

Remrí 26:10

Haà, Nyùy Tàr, m nén a wìy lèn e mbìv ŋgòn se vifa yìmòʼ yeé nsay ye à foon e mò rə̀n.› «Wù yoŋ bèy, é wù ku nèn tìír ŋkaà e Nyùy Tǎr si, a sheʼrí wun.

Remrí 28:11

«Nyùy Tàr wíy səə̀vì ven é ŋàŋ é nsay ye wù‑uù kàʼàn atàr vén ji wun wíy fo e vèn. Səəvì, é vèn táv é kidzəə́y, é nyám sén sí kfə́n a dzəəkír kijuŋ, é nsay yen wáa fəə́r vifá ve yi nyanyày.

2 Wòŋ 25:9

Fòn Amatsiya dzə́r e ŋgaà ntum Nyùy və̀y jii, «Ké kisha ke mbàm ke m fəərin nyanyày, e làʼ vé rər veé Isray sho ki dzə̀ ji ka?» Ŋgaà ntum Nyùy bìnèr jii, «A dzə̀ Nyùy Tàr kfə̀n fò fon kifá ke kí kuʼ, e shaà bèy.»

Ŋgàn 8:21

M fó vikuʼùy e wír ve á koŋ moó, rúner vitáv vév e vifá ve juŋ vi.

Ŋgàn 14:24

Ntáraʼ afiì, kù dzə̀ vikuʼùy ve á kooyì, a tán viyuŋé kù dzə̀ kiyúŋsì ke á yúŋsi.

Daniel 1:15

Á yiír áwune e nyóo see shooy si, kishiíy kee ghvə̀m ki shaá, á wáa kìʼ bèn atávkín, e kfə̀n rùnkír, e shaà wónlě nsùm ve vé‑eè yí viyíkìr ve ntay ve fòn yí.

1 Wòŋ 4:10

Jabes wìy bùnrì Nyùy wìr veé Isray jii, «Kii wò, ku səə̀vì mo, e kùʼùr nsay yem. Kú a kìŋsìn mo, e làa yòʼ màʼtì, é m nəə́ é ŋgeʼ, a yu nyár.» Nyùy‑iì yù bunrì rə́, e fò wun kifá ke wù‑uù lóné.

2 Wòŋ 32:27

Fòn Hesekiya‑aà kér bùʼ wo wù‑uù meen é bùʼ, a wíri kóʼor yír rə́ é ŋàŋ. Wù‑uù bàʼrì vitáv ve á wáa lèm bùʼ və woo kisha ke mbàm ke fəvír kí wùn à ke baar kí, à *síbaŋé, à virə̀ʼtìn ve bìʼ vi, e bóo lì aŋkeè wùn à vifá veé kilùm vímóʼ ví vidzə̀m.

2 Wòŋ 32:29

Nyùy‑iì fò wun káv e gháʼán, wù nèn bàʼrì ŋkà se laʼ see ji bàʼrì a wun, e kfə̀n a ker ŋgoo se bvəy nyanyày, à sé nàʼ si.

Nsùyrì Nyùy 127:2

Ndzə lóo kaʼ, a wìr ló ne e yuv, lo, wù wàa neèm, a yúví kóŋrí ne. Wù lim, ndzəʼnìnè, é bo wù wáy kifá e shuù, kee shooy kidzə̀m ki kù dzə̀ kisáŋ. Nyùy lo kfə́, wù fò vifá ve yi e wír ve wù koŋèe, aá fə̀m buúne.