Ŋgàn 10:21 - ŊWÀʼ NYÙY

²¹ Wìr yúnin Nyùy, wù yìír ŋgòŋ e jí si, du e kiyuŋ, wù kpù kibúŋ ke vifii.

Ŋgàn 10:21 Referans Kwoze

Hosea 4:6

Wír vémé sí kpúkir bìʼ méŋ ye á meŋen wír wo dzəə̀n mo. Ven vee atàá cùu tèn ne fó kiíy wír wo dzəə̀n mo, bìʼ bey, m mèŋ ne ven fó atàá cù vém. Mo vèn tenen fó a sàmèr yéʼéy Nyùy won, bìʼ bèy, m yíi ten sa fo wón véné wáa dzə atàá cù.

Ŋgàn 17:16

Aá ton mbàm ji kiyúŋ kí keérí vifií, a bó kí yòʼ kér shií e yeʼéy, bo séʼ dzə̀ ka?

Matio 13:19

Ŋgoòy ye yì tumkin é dzəə dzə̀ wír wo wù yú kinyo kee kùm sáʼ Nyùy, e làa yòʼ a kiíy. Satan nèn wìy, e fə̀ə́r kinyo kee shooy fo ŋgaàŋ shiliv.

Ŋgàn 1:29

Áwune tèn ne fó a yeʼéy, e kiíy, á tèn ne fó a yunín Nyùy Tàr.

Ŋgàn 15:4

Jì yee weè dzə̀ moo kicí ke wìr yí, wù lùŋ. Kimboʼtì ki nəə sho, kí wìy a dzə̀ e nyári.

Ŋgàn 5:23

Mo á sər, a bó wù yòʼ yú, bo kù dzə̀ fo kpú rəə́ yíi lò, é kiyúŋsì kfə́ ki yii, é wù bívír kitú kfə́, e bìr ŋkuuŋkùŋ.

Ŋgàn 5:12

a ghay wún é kinyò ke kí‑iì yiìn, é bo à tén ntir, e tèn à naarìi shó.

Ŋgàn 1:31

Áwune kù yíi kav kifa, a dzə̀ ke á wayin, liì kisaŋ wov kù yíi bìnkìr aáwuné kitu.

Ŋwàʼ Jov 23:12

M yoʼ bìn ndzə̀m é nsər ye yì fəə́ fo wun shuù. M lèm ne jí se sí fəən fo wun shuù, a sí dzə̀ fo mò é shií, e shaà viyíkìr.

Jeremia 15:16

Kinyo ké ki‑iì wìy, e yèn mo, m lí moo viyíkìr. M kér kishéʼrì mo shilív shém shí‑iì tíy sho. Éè Nyùy Tàr, Nyùy woo Taà Mànjòŋ, m kù dzə̀ wo woo wír.

Ŋgàn 12:18

Lám wo bií lémer wír moo nyùy rə̀r ye á baàyìn, a kisúŋnìn ke fiì kí fer wír férin.

1 Pita 5:2

A m tír ven jii, vèn kú a leéy a fo kintatì ke Nyùy wayin e věn kiwo ki, a dànèr mo wìr yii danèr njiì və. Vèn wáa leéy feyì kijuŋ ji kòŋ a ven, e làa yòʼ a leéy mo á kàn ven kánen. Lá vèn yòʼ a leéy, a dìy mbàm, bìʼ fo kee shooy ki dzəə̀n woómé se kuʼùn sí.

Ŋwàʼ woó Rom 1:28

Mo wíri tenen fó way vifií é vinyò ve ví din rú mo Nyùy dzəə̀n, wù nen màʼtì, vifií vév ví wáa tiy a dzə̀ é liì kisaŋ, á wáa yiì vinyo ve bó ví yoʼ ghèén ji dzə̀ wír, wù wàa yiì.

Jeremia 3:15

M yíi fo ven vilìmbìy ve ví yú mo, é ví wáa dànèr ven e vifií ví wùn à kiíyi.

Nsùyrì Nyùy 37:30

Wír ve á yúnin Nyùyi yii yoŋ kinyo a dzə̀ ke kí kér vifií. Áwune kù yii yoŋ kinyo a dzə̀ ke kí dzəə̀n là kiloʼ.

Matio 12:35

Lóo dzə wír wo runen vinyo ve juŋ vi e wùn shiliv, wù nèn a suúy sa vinyo a dzə̀ ve juŋ vi. Lóo dzə wo runen vinyo ve bi ví e wùn shiliv, nèn a fəə kinyo ke bi kí fó shuù wo.

Ŋgàn 6:32

Wìr wo wù li wiiy wìr yòʼ kér vifií, wù yii bèy, a wù kfə́r a dzə̀ kitú kfə́,

Ŋgàn 10:11

Wìr yú Nyùy, fəər jí, sí rəə̀r wír, méŋ Nyùy, fəər jí, sí màʼ melaà.

Ŋgàn 1:32

Anjìʼi tén fóo yu ntir, á lì a dzə̀ yév yee kpú. A viyúŋ ví səŋ wún, bo ví yúyri a dzə̀ vitú vév.

Ŋgàn 5:2

áà bóo fíʼ kiíy mó a kìŋsìn kitú ké, a kiíy jeéyjeéy fó vinyò, é vinyo ve ví fəə́ fo wò shuù vi wáa dzə ve ví kér vifií.

Ŋgàn 15:7

Fiì fó yéʼéy, yí tìr wíri. Njìʼ lo kfə́, wù mèŋ yéʼéy.

Ŋgaà Tàrvìnyò 12:11

Jí se fiì sí dzə̀ moo mbàŋ ye nshìy danèr nyám sho, a ŋgàn se á baʼtin sí dzə̀ moo mban se sí njímé.

Aysaya 5:13

Bìʼ bey, á yíi koorí wír vém, e dù sho e kwaʼ nsàm, aá koóri áwune, bìʼ fo á yòʼ gwarìr lím Nyùy Tàr. Jìŋ yíi a kom vitó ve kfə́m sé wìr sév komén, é wír ve áwune sáʼáa wáa kpu kilòŋ ke yumén kí.