Ŋgàn 10:20 - ŊWÀʼ NYÙY

²⁰ À yúnin Nyùy, kiláyláy ké ki wàa bòŋ wíri é ŋàŋ. À méŋ wun, bo ndzə̀né yòʼ dzə̀ə́ e kinyò ke à kér e vifii.

Ŋgàn 10:20 Referans Kwoze

Jeremia 17:9

«A dzə̀ kìíy la mo shilív shé wìr shi dzəə̀n? Kifá ki yòʼ dzə̀ shó ke kí kér kimboʼtì moo wun. Yàsí və tàv féyì fo á fer.

Ŋgàn 12:18

Lám wo bií lémer wír moo nyùy rə̀r ye á baàyìn, a kisúŋnìn ke fiì kí fer wír férin.

Kèʼlo 6:5

Nyùy Tàr lòo leéy, e yèn, a liì kisaŋ wìr msòŋ gháʼ ne e kitu ke nsay, a wù kù sí kér a dzə̀ kwaʼtì kisaŋe e wun shiliv ghán sidzə̀m,

Ŋgàn 23:7

Wù lo, wù yòŋ e wò ji á yi, a no, a wù dzə́ kfə́, biʼ a dzə̀ káv, yén ji à wày á ne wun e kilày.

Ŋgàn 16:13

Fòn yii koŋ e yu a dzə̀ suuyrú, shéʼri wír wo wù suuy suuyrú.

Ŋgàn 15:4

Jì yee weè dzə̀ moo kicí ke wìr yí, wù lùŋ. Kimboʼtì ki nəə sho, kí wìy a dzə̀ e nyári.

Ŋgàn 8:19

Kifá ke kí lo fo mǒ kiwo kidzə̀m ki bòŋ e ŋàŋ, kí bòŋ, e shaà kisha ke mbàm ke fəvír kí, e kfə̀n bòŋ, e shaà ke baar ke á shèŋrìn.

Kèʼlo 8:21

Kirəm ke cù ki rə́ʼtín, e ghèén Nyùy Tàr, wù suúy fo wun bvə̀m jii, «Bó m yòʼ dzəə́ wìy màʼ ŋgeʼ e kitu ke nsay bìʼ wir msòŋ. Kwaʼtì wìr msòŋ e dzə̀me kù sì yé kisaŋe, e kèʼ fo meterí. Bó m yòʼ dzəə́ wìy laàr kifá ke ŋeʼèn kí fó kitu ke nsay mo mò‑oò laàrìn.»

Nsùyrì Nyùy 37:30

Wír ve á yúnin Nyùyi yii yoŋ kinyo a dzə̀ ke kí kér vifií. Áwune kù yii yoŋ kinyo a dzə̀ ke kí dzəə̀n là kiloʼ.

Ŋgàn 20:15

*Kisha ke mbàm ke baar kí dzə̀, a vifá ve sùsù vi dzə̀, yii bèy, a jì fiì bòŋ, e shaà vifá ve sùsù vidzə̀m.