Ŋgàn 10:2 - ŊWÀʼ NYÙY

² Vikuʼùy vee koóy é dzəə ye bi ví yòʼ kér séʼ, yii bèy, yúnín Nyùyi dzə̀ wùn à dzəʼə̀m ye dáa.

Ŋgàn 10:2 Referans Kwoze

Ŋgàn 11:4

Vikuʼùy ví yòʼ yíi sə wò e kishiíy ke Nyùy sáʼ nsaʼ yè. Yii bèy, a yúnín Nyùyi dzə̀ wùn à dzəʼə̀m ye dáa.

Ŋgàn 21:6

Vikuʼùy vee shwìv kinshwìv, e kòóy, vi dzə̀ moo mbàʼŋkfəə́mé ye yì lo, yì ŋeèmé, e lày, a dzə̀ kitám ke wìr ve á jum kpú yév.

Ŋgàn 12:28

Wìr ghán e Nyùy mbòv, wù kòóy dzəʼə̀m. Wìr bin é dzəə ye sən, wù kù jòʼsì a dzə̀ é kpu.

Ŋwàʼ woó Rom 5:21

Kidzə̀m ki nén a dzə jii, mo kinyo ke bi kí yiìn ne, a wíri kù kér fó a kpu, dzə̀ sá mo Nyùy koŋ wíri lèn, li áwune ji wír vee là jay, aá nəə e dzə̀ʼə̀m yee là may. A wù li a dzə̀ wír ve á wáy shilív e Tàr wòsən Jesus Kristu wùn.

Tsəfaniya 1:18

Wíy lòo dzə e kishiíy kin ke Nyùy Tàr maʼ ŋgeʼ e wírí kitu, a wìr fə̀m kér káv e le, bo yòʼ dzə̀ wú tìn ŋgaàŋ. Nyùy Tàr wíy shwiíy kilòŋ, e tòn kitú ke nsay e və́yí. Wù wíy sàsìn, e laàr wir dzə̀m wo wù dzəə̀n é kitu ke nsay.

Esiker 7:19

Á wíy shwèy *kisha ke mbàm ke baar kí, à ke fəvír kí é màdzəə̀ moo kifá ke *kifàn kí bey. Bó kisha ke mbàm ke fəvír kí, à ke baar kí yòʼ wíy sə wír e kishiíy ke dòʼshwiiy Nyùy Tàr wíy koʼ. Bó yòʼ dzə̀ áwune wìy lùŋ fo fo, kìn ji áwune yún kifá sho, e tòm vitó sho. Yì‑iì lèvtí vifá vìn áwune, é bo á buʼti vinyo.

Ŋwàʼ woó Rom 2:5

Yii bèy, à lo, à nèn tèn fó bìnèr shilív shé, shí kú lóo taaví taavín, à nèn kfə̀n dzə̀sì a dzə̀ ajay, e màysì, e tìnsín shilív shé Nyùy. Aà káv a dzə̀ lòn, mo à wíy nəə́ sho e kishiíy ke Nyùy wíy dìn mo wù yii tínen nsaʼ wìr réŋréŋ mo yì dzəə̀n.

Filipi 3:9

é vèr wun maysi, e làŋsìn, a dzə kifá kimòʼón. M dzə̀ lèn bèn, a Nyùy lì ne mo ji wír wo wù gheenen fo wun, a bó yòʼ dzə̀ ji m lèm a nsər sidzə̀m, a dzə là jay. Wù lì bìʼ fo m wayin shilív e Jesus Kristu wùn. M nen ghèén fo wun woo Nyùy lèn mo wír adzə̀m ve á wáy shilív e Kristu wùné gheenè.

Daniel 4:27

Nyàr, kí nén a dzə a jii, fòn ku yù á ntir yem. Á ku tìn á kiwuú fó yiì ye bií, a tiy a dzə̀ á e yiì ye juŋe, e fətí wó fo vinyò ve bi ví, a sham a dzə̀ aghéʼncey. Á yii bèy, e ghanmóʼó, aá kfən shaà fo mbìy, a yu a vijuŋ.»

Ŋgàn 13:11

Wìr wo wù gìrìn gírin, e bóo koóy káv, káv vəə́ kù wíy taʼrí, e lày, a wìr wo wù báʼti kfə́ kéŋ ji weè weè dzə̀ wo wù wíy a ker káv.