Ŋgàn 10:19 - ŊWÀʼ NYÙY

¹⁹ Wìr lóo yàv jí, wù wàa jay vinyo. Mey lám, bo á fií lèn.

Ŋgàn 10:19 Referans Kwoze

Jeem 3:2

Dzə̀ rú, vèsən dzə̀ ben, a vèsən jáy vinyo vinín. Yii bèy, wìr lóo dzə a dzə̀ wù mèy kiliímé kfə́, e làa yòʼ a jay kinyo fo wùn shuù, bo ŋgaàŋ ghèén feyì. A dzə̀ wù kòytí kitú kfə́ dzə́ə sidzə̀m.

Jeem 1:19

Afə̀r vem, vèn səəm kinyo kìn ki kijuŋ. Wìr ku yuùrí kinyo kijuŋ. Wìr wáa səʼə́m, e bó a suŋnín. Lá wìr yòʼ a tav, a shwiíy kilòŋ.

Ŋgaà Tàrvìnyò 5:3

Wìr lóo yaŋyáŋ e ŋàŋ, njèm se bi sí wàa shi wun, lóo suŋnín e ŋàŋ, wù wàa suŋnín kiyúŋ kiyúŋ.

Nsùyrì Nyùy 39:1

Mò‑oò shìvìr jii, «M yíi a tiír kiwúu kém, a fìʼ, ji lá m yòʼ a suúy kinyo ke dzə̀ kí wày mo é jay. Mo wír ve á méŋ wòo dzə̀ə́ e mǒ si, m yíi sətí shuu wóm.»

Ŋwàʼ Jov 11:2

«A wìr lamrì e ŋàŋ, la á yòʼ kù bìnèr kinyo kfə́ a? Mo wù yíi bòy fo njò bìʼ fo wù súŋnin e ŋàŋ á?

Ŋgàn 18:21

Kisúŋnìn ke wìr ki fó dzəʼə̀m, kìn kpú, é wír ve á súŋnin e ŋàŋé ku nèn a kiíy.

Ŋgaà Tàrvìnyò 5:2

À lóo suŋnín, à rə̀tì kijuŋ. Lá shilív shí yòʼ a buʼ wò ji à ku sùúy kinyo e Nyùy, bìʼ fo Nyùy dzəə̀n é yuv, aà dzə̀ ké e nsay. Lá à yòʼ a kàʼ kinyo ke à yòʼ yíi yiì.

Ŋgàn 11:12

Wìr wo wù káy wíri buu a dzə̀ vifií, a wìr wo wù kim kiliímé kfə́ dzə̀ fií.

Ŋgàn 11:13

Ŋgaà viduu fer vilìtì ve vinyò, a wìr jwáʼ lem kfə́ lémen.

Ŋgàn 12:23

Fiì yòʼ yii din kiíy, a kiyúŋ kí kù din kiyúŋsì kfə́.

Ŋgaà Tàrvìnyò 5:1

À lóo nəə́ e lav cù, à wàa səʼə́m, a dzə kibáʼtín móo yunín. Kee shooy ki bòŋ, e shaà cu ye viyúŋ ví yii, aá yòʼ fə̀m kì ji á yii a dzə̀ á kinyo kee kintéŋ.