Ŋgàn 10:18 - ŊWÀʼ NYÙY

¹⁸ Bàn, e lìtì dzə̀ ŋgaà kimboʼtì. À bívir yír wìr, à dù é kiyuŋ.

Ŋgàn 10:18 Referans Kwoze

Nsùyrì Nyùy 55:21

Kisúŋnìn kfə́ kí nyom moo vilu, yii bèy, a wù dzə̀ ŋgaà lǎm baà. Jí se sí fəə́ fo wun shuù si rəsìn moo meŋgvə́r, yii bèy, a sí njím moo shwàʼ wo á baàyìn.

Nsùyrì Nyùy 15:3

Dzə̀ wír wo wù yòʼ tóy kinyo e wìr bàm kisáŋ, a bó wù yòʼ gheʼ ŋkar rə, a bó wù yòʼ súʼ kinsuʼ e fər və́ bàm.

2 Samuel 3:27

Abner nəə́ é Hebron, Joav kwàr wun, wùn wun dù e shùu kày moo ji wùn wun kér a visúŋnìn vee wír abaà bey, wù nèn sòv wun fo bvə̀m, e yùyrí. A wù sov bèy ji wun siir á ŋkfə́tír wo Abner‑iì yuyrin Asahel woo fə́r və.

Nsùyrì Nyùy 101:5

M yíi laàr wír wo wù tóy kinyo e fər və́ bàm. Bó m yòʼ yíi fo kintóʼ e wìr wo wù kóʼor wún, wír wo wù kù yén a dzə̀ kitú kfə́.

Nsùyrì Nyùy 50:20

Vèn dzəʼə̀mè, á kù a sem a dzə̀ afə́r vén, a toy vinyo e wón ayìy véné bàm.

Nsùyrì Nyùy 12:2

Wìr dzə̀m kù sì ŋgaà lam baà, bóʼti a dzə̀ kimboʼtì e fər və, leerì wun e shúu.

Nsùyrì Nyùy 5:9

Áwune bóʼti kimboʼtì, kér shilív she bi shí. Shuu wóví dzə̀ wú wày wír e sày, á laarì sí se wíri e jí sév sí.

1 Samuel 18:29

wù ku nèn màysì a fàn Davir fánen, a fàn e dù meé e ghan se wun woo Saul‑iì kpuun.

Ŋwàʼ Fəə 23:1

«Lá wìr yòʼ a sàmèr kimboʼtì. Lá wìr yòʼ tòm wir liì kisaŋ, e tìím vinjen ve kisaŋ vi.

Jeremia 9:4

«Wìr wáa kiíy kfə́ə ŋkar ye wù koó. Lá wìr yòʼ a way shilív e fər və́ wùn. Fər wìr kù sì ŋgaà kimboʼtì e wìr bàm moo Jakov, a ŋkar wìr kù sì ji ŋgaà kinsuʼ.

Cù 19:16

Lá wìr yòʼ a ghan, a kùnsìn wíri, kìn ji wù tiím vinjen ji fə̀r nəə́ é ŋgeʼ. Dzə̀ mo Nyùy Tàr.

Jeremia 6:28

Áwune dzə̀ antavkìtu, a liì wov tàv moo kisha kee *brons, e tàv moo kisha kee kiy. Áwune kù sí ghán, kunsìn a dzə̀ kiŋkùnsìn, kér liì kisaŋ wír adzə̀m.