Ŋgàn 10:14 - ŊWÀʼ NYÙY

¹⁴ Fiì dzə̀ yú lèm. Kiyúŋ kí lem shuu e rə́, kí kfə̀r kitú.

Ŋgàn 10:14 Referans Kwoze

Ŋgàn 18:7

Kiyúŋ kí lem shuu e rə́, kí bìvír kitú, kóʼor kitám kfə́, a kù dzə̀ e shuu vəə́.

Ŋgàn 10:8

Wìr lóo ker vifií, wù wàa yu ntir, lóo dzə njìʼ woo ŋgaà kiyòr, wù kfə̀r kitú.

Ŋgàn 13:3

Wìr kim shúu və́, wù kìm kitú kfə́, wìr mvəʼ shuu, lem e rə́, wù màʼày kitú máʼayin.

Ŋgàn 10:10

Wìr kív sí, bo kí kù yíi jòʼsì a dzə̀ é ŋgeʼ. Njìʼ lóo yòr yòrìn, wù wày kitú kfə́ é ŋgeʼ.

Ŋgàn 9:9

Á fo ntir a dzə̀ e fiì, é wù ku yiì màysì fìír. Á yeʼéy wír a dzə̀ wo wù yúnin Nyùy, é wù ku yiì dzə̀sì kiíy rə́.

Matio 13:52

Wù suúy jii, «Dzə̀ rú, wìr wo wù sí yéʼey kinyo ke saʼ Nyùy ye yí wiy lèn, ŋgaàŋ dzə̀ moo taà laʼ wo wù kér ambùʼmé vee fó ŋgùʼ wùn à vee lène e wùn kitàv. Wù lo, wù fə̀ə́r wo wù gheenen wun e ghan se wù kòŋèn.»

Matio 13:44

«Sáʼ Nyùyi dzə̀ moo fùʼ wo vé‑eè lìtìn é kwaʼ, wìr dù, e tò shó, e nàŋsín, e sə̀tí, a kfən fo laʼ, kishéʼrì ki wáa yuyrí wun yúyrín. Wù dù, e fiìnè kéŋ rə́ e dzə̀m, e bàʼtí mbàm, e yùn kirə́ʼ ké fùʼ kìy sho.

Matio 12:35

Lóo dzə wír wo runen vinyo ve juŋ vi e wùn shiliv, wù nèn a suúy sa vinyo a dzə̀ ve juŋ vi. Lóo dzə wo runen vinyo ve bi ví e wùn shiliv, nèn a fəə kinyo ke bi kí fó shuù wo.

Ŋgàn 21:23

Wìr kim shuu və́, wù bòy fó melaà.

Ŋgàn 19:8

Wìr wo wù kér vifií koŋ kitú kfə́, wìr yéʼey, kiiy jeéyjeéy fó vinyò, wù wàa kuy.

Ŋgàn 18:15

Wìr woo fií kù yii diy a dzə̀ ji wun yéʼéy kinyo, kér shií a dzə̀ ji wun kiíy kinyo.

Ŋgàn 18:1

Wìr lóo ker shií a dzə̀ e wun kinyò, la wù yòʼ a tàʼ ŋkar sinín, ŋwáy kinyo ke Nyùy tinen ŋwáyín.

Ŋgàn 1:5

A dzə̀ fiì yuùrí sá ntir sìn, sí wàa yeʼéy wun, wìr wo wù kiiy jeéyjeéy fó vinyò wàa ker ntir ye juŋ fo fo,

Ŋgàn 12:23

Fiì yòʼ yii din kiíy, a kiyúŋ kí kù din kiyúŋsì kfə́.

Ŋgaà Tàrvìnyò 10:12

Fiì lóo suŋnín, wíri wàa ghvəm wun, kiyúŋ kí súŋninè, kí bìvír kitú kfə́.

Ŋgàn 17:20

Wìr lóo ker shilív she bi shí, la vikuʼùy ví yòʼ a nəə́ wun. Wìr lóo boʼtí kimboʼtì, wù nə̀ə́ é ŋgeʼ.