Ŋgàn 10:1 - ŊWÀʼ NYÙY

¹ Ŋgàn se Solomon si sìne. Wàn lóo ker vifií, kitàr kí wàa yu vijuŋ, yúŋsi, wù wày kiyìy é nsòv.

Ŋgàn 10:1 Referans Kwoze

Ŋgàn 1:1

Ŋgàn se vé‑eè baʼtin e Solomon woo fon woó Isray yir, Solomon woo wan Fòn Davir.

Ŋgàn 29:3

Wàn lóo kòŋ a ker vifií, wù shèʼér kitàr, a wo wù shemen ŋgoo wùn aàsàkìi laar kfə́ kéŋ tàr wov láarin.

Ŋgàn 17:25

Wàn du e kiyuŋ, kitàr kí wàa rə̀m ntéŋ, yúŋsi, wù wàa nyarír shilív shé kiyìy.

Ŋgàn 29:15

Aá sər wán e ŋgwàne, kfə̀n tírí, wù wàa ker vifií. Aà leey leèyín, bo wù kù yíi lò, e shoór yè wov.

Ŋgàn 15:20

Wàn lóo ker vifií, kitàr kí wàa sheʼrí. Wìr yúŋsi, wù wàa leéy kiyìy ntéŋ.

Ŋgàn 17:21

Wàn du e kiyuŋ, kitàr kí wàa rə̀m ntéŋ, a bó kitàr ké wan woo njìʼ ki yòʼ yú vijuŋ e wun dzə̀ʼə̀m.

Ŋgàn 19:13

Wàn yúŋsi wù sə̀ʼsí kéŋ tàr wov, wiíy lóo nyàm, bo wù sì moo wuú ye yí shémshem e lav.

Ŋgaà Tàrvìnyò 12:9

Yòʼ kù‑uù jòʼsì fiír ye Ŋgaà Tàrvìnyò və̀n‑eè fiirin, wù‑uù yéʼey wíri mo á wáa kiíy jeéyjeéy fó vinyò. Wù‑uù lì ghán, e kàʼày, e kfə̀n sìysì ŋgàn sinín.

Ŋgaà Tàrvìnyò 2:19

Dzə̀ kìíy la mo wù wíy a dzə? Kìn wù wíy a dzə fií, kìn kiyúŋ. Kù sí wìy yòv wun kéŋ yém ye mò‑oò wayin vifií, e gìsín, e kèŋ é nsay fèn. Kin ki kù dzə̀ sá lím kisaŋe.

Ŋgàn 25:1

Ŋgàn se Fòn Solomon símóʼ sí sìne, a dzə̀ se wír Hesekiyàa wayin é ŋwàʼ, Hesekiya woo fon wìr veé Juda.

1 Afòn 4:32

Wù‑uù fèr ŋgàn si ansə̀kì ataár, e fèr luŋ si nshòv sitàn e nsə̀kì.

Ŋgàn 13:1

Wan wo wù kér vifií, kù yii yúnin ntir tàr wov, a wan wo wù ŋaʼà, ŋwáy ntir ŋwáyín.

Ŋgàn 27:11

Wan wòm, á dzə fií, e yiì, é m wáa yu vijuŋ, é m bóo fíʼ sətí shúu wìr wo wù say mo.

Ŋgàn 29:17

Sə̀r wan wò, é wù yii, é shilív shé shi meeme. Rúrú, é wù yiì yiì, áà wáa yu vijuŋ.