Ŋgàn 1:7 - ŊWÀʼ NYÙY

⁷ Wìr lóo ghvəm Nyùy Tàr, bo wù sí yiì a kiíy vinyo. Yii bèy, kiyúŋ kí ŋwáy kfə́ ntir, tén fó a jùmrì vifií.

Ŋgàn 1:7 Referans Kwoze

Ŋwàʼ Jov 28:28

«Á bèy, Nyùy nèn yòŋ e wìr msòŋ jii, ‹Rúrú, wìr lóo ghvəm Nyùy, bo sì vifií bey, lóo bìn ndzə̀m é kinyò ke bi kí, bo wù sí kiiy jeéyjeéy fó vinyò.› »

Nsùyrì Nyùy 111:10

Wìr lóo ghvəm Nyùy Tàr, bo wù kèʼ ne, a ker vifií. Lóo yu nsər sə́, bo wù sí kiiy mó a yiì vinyo. Búrí rəə́ kù wíy a tiy fo, e dù, e jòʼsì.

Ŋgaà Tàrvìnyò 12:13

Kimaysì kí nén a dzə jii, wìr wáa ghvəm Nyùy, a yunín nsər sə́, bìʼ fo kù dzə̀ kinyo kìn ke wìr kér fó a yiì.

Ŋgàn 9:10

Wìr lóo yunín Nyùy Tàr, bo ŋgaàŋ kèʼ ne, a ker vifií. Wù lóo kiíy wun woo Ŋgaà wo Ranén, bo wù sí kiiy mvə́m se vinyò.

Ŋgàn 15:33

À lóo ghvəm Nyùy, bo à kèʼ ne, a ker vifií. Wìr kù merìr yúnín ŋkuŋén, bo wù wáa ker ghvə́m.

Ŋgàn 18:2

Kiyúŋ kí yòʼ kér shií ji wun kiíy jeéyjeéy fó kinyò, kí kù yáŋri, suuy kinyo a dzə̀ ke kí gheen wun.

Ŋgàn 1:22

Ven vee anjìʼ, vèn wíy jìʼ bèn, e dù meé e le? Ven ve á jaʼ wíri, vèn wíy jàʼ, e dù, e meé e le? Ven vee viyúŋ, vèn wíy keerí vifií é ghàn ka?

Ŋwàʼ woó Rom 1:28

Mo wíri tenen fó way vifií é vinyò ve ví din rú mo Nyùy dzəə̀n, wù nen màʼtì, vifií vév ví wáa tiy a dzə̀ é liì kisaŋ, á wáa yiì vinyo ve bó ví yoʼ ghèén ji dzə̀ wír, wù wàa yiì.

Ŋgàn 15:5

Kiyúŋ kí kù yii ŋwáy ntir tàr wov ŋwáyín, yii bèy, a wìr wo wù yú ntir dzə̀ fií.

Remrí 4:6

Vèn wáa lèm, a yiì. Kee shooy ki yíi a dìn vifií wùn à kiíyi e vitúm vímóʼ ví. Á lóo yu nsər sìn sidzə̀m, aá wáa yòŋ jii, ‹Rúrú, kitúm ke kí dzəə̀n wír nyanyày, e kfə̀n tàv kin ki dzə̀ ben, a dzə̀ afií, aá kfə̀n kì vinyo.›

Ŋgàn 2:5

Aà yii bèy, bo à yíi kiíy mo dzə̀ á wàa yunín Nyùy Tàr, e kfə̀n kiíy kijuŋ mo Nyùy dzəə̀n.

Ŋgàn 15:32

Wìr ŋwáy ntir, wù màʼày kitú, yú ntir, wù wàa ker vifií.

Ŋgàn 23:9

Lá à yòʼ a suŋnín e kiyúŋ kí, wò moo fií, bìʼ fo wù kù yíi a ŋway jí sé ŋwáyín.