Ŋgàn 1:5 - ŊWÀʼ NYÙY

⁵ A dzə̀ fiì yuùrí sá ntir sìn, sí wàa yeʼéy wun, wìr wo wù kiiy jeéyjeéy fó vinyò wàa ker ntir ye juŋ fo fo,

Ŋgàn 1:5 Referans Kwoze

Ŋgàn 12:1

Wìr wo wù koŋ ntir, sí koŋ kiíy, a wìr wo wù ban naarì dzə̀ kiyúŋ.

Ŋgàn 9:9

Á fo ntir a dzə̀ e fiì, é wù ku yiì màysì fìír. Á yeʼéy wír a dzə̀ wo wù yúnin Nyùy, é wù ku yiì dzə̀sì kiíy rə́.

1 Korin 10:15

A m suuy e vèn ben moo wír ve á kér sa vifií. A dzə̀ kù kìíy ven ji kinyo ke m suuy kìn ki sà dzə̀ rú á.

Ŋwàʼ Jov 34:16

«A vèn kì rú jeéyjeéy fó vinyò, vèn yuùrí kin ki. Vèn ku yuùrí jí se sí fəə́ fo mǒ shuù si.

Ŋwàʼ Jov 34:10

«Bìʼ bey, ven ve á yii kiiy jeéyjeéy fó vinyò, vèn yuúrí kinyo kém kí. Bó yòʼ dzə̀ féyì Nyùy wàa yiì liì kisaŋ, a bó yòʼ dzə̀ Ŋgaà Vitaàví Vidzə̀m yiì kinyo kintéŋ.

Ŋwàʼ Jov 34:34

«Lóo dzə wír ve á kiìn jeéyjeéy fó vinyò, aàfií ve á yuúri kinyo kémé, á kù sùúy e mò jii,

2 Wòŋ 25:16

Kú a dzə, a ŋgaà ntum Nyùy dzəə́ súŋninè, Fòn Amatsiya nèn shèr jí rə jii, «Lèm la wò ji ŋgaà ntir fòn? Sə́tí shuu wóo, bo wò‑óò kpú.» Ŋgaà ntum Nyùy nèn sə̀sín, e bóo lò, e suúy jii, «M yèn ne ji Nyùy wày ne ji wun kù‑úù laar wò. À kì yiì ne jay, m lóo fo ntir lèn, à tén yú.»

Ŋgàn 14:6

Ŋgaà jàʼ jum vifií, làa yòʼ a ker. Wìr lóo səʼə́m, wù wàa ker kiíy cér.

Ŋgaà Tàrvìnyò 9:11

M kfən kàʼày, e yèn kinyo kímóʼ kí é sar shùy fèn, a kí dzə̀ jii, kileʼ ki yòʼ dzə̀ə́ cáʼ a dzə̀ ké wìr wo wù nyéŋ e ŋàŋ, a bó yòʼ dzə̀ cáʼ ji a rə́r sí maʼà, kù tòn ntav wír, a bó viyíkìr vi yòʼ kù jòʼsì a dzə̀ áàfií, kìn ji vikuʼùy ví kù jòʼsì e wír ve á kiiy jeéyjeéy fó vinyòo, a bó á yòʼ géʼsin e wír ve á kiìn vinyóo jeéy. A dzə̀ vishí vi lo, ví bìr wír, a fə̀m dzə̀ la.

Remrí 4:6

Vèn wáa lèm, a yiì. Kee shooy ki yíi a dìn vifií wùn à kiíyi e vitúm vímóʼ ví. Á lóo yu nsər sìn sidzə̀m, aá wáa yòŋ jii, ‹Rúrú, kitúm ke kí dzəə̀n wír nyanyày, e kfə̀n tàv kin ki dzə̀ ben, a dzə̀ afií, aá kfə̀n kì vinyo.›

Ŋwàʼ Jov 34:2

«Ven vé vifií, vèn yuúrí kisúŋnìn kém kí. Ven ve á kiìn vinyo, vèn yuúrí kinyo ke m suuy ki.

Ŋgàn 8:33

Vèn yuúrí ntò sém sé yeʼéy si, é sí yii, é vèn wáa dzə afií. Vèn wáa yen fóo ŋway.

Ŋgàn 9:8

Lá à yòʼ a tir wír wo wù shéʼ Nyùy, fo wù wáa bàn wò. Aà din jay a dzə̀ wo fiì, bo wù yíi a kòŋ wò kóŋen.

Ŋgàn 18:15

Wìr woo fií kù yii diy a dzə̀ ji wun yéʼéy kinyo, kér shií a dzə̀ ji wun kiíy kinyo.

Ŋgàn 19:25

Á dzəv ŋgaà jàʼ, anjìʼi yèʼéy vinyo fo fo, naarì wír wo wù kiiy jeéyjeéy fó vinyò, wù keèrí vifií.

Ŋgàn 21:11

Á maʼ ŋgeʼlàʼ e ŋgaà jàʼ kitu, anjìʼi yèʼéy kinyo fo fo, naarì ŋgaà kìíy, wù keèrí vifií.