Ŋgàn 1:33 - ŊWÀʼ NYÙY

³³ Yii bèy, wìr wo wù yú mo, wíy a dzə dzə́ yee nyaáŋ. Wù wíy a dzə e kiŋsìn, là kinyo ké a fàn.

Ŋgàn 1:33 Referans Kwoze

Aysaya 26:3

Nyùy Tàr, à yii darìr dzəʼə̀m wìr ve vifií vév ví tíy e wò wùn, yii, aá dzə́ dzə́ yee nyaáŋé, bìʼ fo áwune kù sí yoy, tiir a dzə̀ e wò wùn.

Ŋwàʼ Luk 21:9

Vèn wíy yú léŋ rər, kfə́n yú, a wíri táŋ sáʼ e wòŋ símóʼ sí, lá vèn yòʼ a fàn. A dzə̀ kinyo kee shooy ki kù kòóy ŋkuŋén, a bó yòʼ dzə̀ ji sì ghán se ndzə kù sí lo, e mày.»

Ŋgàn 14:26

À lóo yunín Nyùy Tàr, bo wù sì kóy wó wo tavíné, e kfə̀n a dzə kikiŋ ke vèn à wón vée.

Ŋgàn 9:11

Aà suúsin vèn à vifií ví, bo ví yíi dzə̀sì vishiíy vé. À ghár, bo ví darìr dzəʼə̀m yé.

Ŋwàʼ Luk 21:19

Vèn wáa tiy rì kitávín, e wìy nəə́ e dzə̀ʼə̀m yee là may.

Nsùyrì Nyùy 81:13

A wír veé Israyi‑iì yú kinyo kém, aáwune‑eè ghán e mǒ mbòv,

1 Pita 1:5

Kù wíy a dzə vijuŋ vén, ven ve á wáy shilív e Kristu wùn, a vitaáví vé Nyùy vi shiy ven, e meé e ghan se wù wíy fəə́r dzəʼə̀m yee là may rə̀n e ghan sé bàm sí.

Matio 17:5

Kù mo wù suuy bèy, mbàʼ yìmòʼ nèn wìy, a yì rán ji rèké rèké, e tìím aáwuné kitu. Jì wìr súŋnín fó fo jii, «Və̀n dzə̀ Wán wom, m koŋ wun feyì, wù bòŋ mo é ŋàŋ. Vèn wáa yuurí kinyo a dzə̀ kfə́.»

Aysaya 55:3

Éè wìr vem, vèn yuúrí kijuŋ, vèn wiy, e yèn mo. Vèn wiy fo mǒ wùn, e fíʼ wìy bonén, e shiíy. A vèn yiì bèy, bo m wíy gwàr *mensaŋ vèsən, mensaŋ, a mè wíy a tiy fo, e dù, e jòʼsì. Dzə̀ koŋ ye ruú, a dzə̀ yíwun ye mò‑oò kàʼàn Davir sho, e kfə̀n lìʼ.

Aysaya 48:18

Wìr ku lì ji vèn‑eè lo yuùrí kém, e yùnín nsər yem, bo vèn kì yíi a dzə dzə́ yee nyaáŋ, é yí wáa dzə, kù moo ndzə́v ye yí léŋ là meemè, é yii yén ye réŋé wáa dù fo mbìy, moo rìbà ndzə̀v wo wù kiy wún ghán sidzə̀m.

Ŋgàn 12:21

Ŋgeʼ si yii baʼàr wír wo wù yú Nyùy báʼarin, a ké wìr wo wù méŋ Nyùy ki dzə̀ kfə́ ji vinyo ve bi ví rún é wùn wó.

Ŋgaà Tàrvìnyò 8:12

A fə̀m dzə̀ mo wìr buʼtì vinyo e ŋàŋ, kù shiiy, kóŋri, yii bèy, bo m kì kém ji ké wìr ve á yúnin Nyùy, néŋ e wun si ki wíy bòŋ, e shaà kév.

Cù 25:18

«Kí nén a dzə jii, vèn yú sáʼ yémé, a jùmrì ntò sém sé vinyò si, a yiì mo sí dzəə̀n, é vèn yiì a dzə e nsay akiŋsìn.

Cù 25:19

Vèn wíy a dzə fo là kindzə́m, é nsay wáa fəə́r vifá ve yi, é vèn wáa yi, a kur, é ví wáa tsəə̀tìn.

Ŋwàʼ Jov 36:11

Aáwune yùnín, a ghvəm wun, bo áwune wíy a màysì dzəʼə̀m yév, aá bún bunén é vikùʼùy, a beʼrí viyá, a neŋ neŋén é vijùŋ.

Aysaya 32:17

Yii yee réŋé wíy wìy e nyaáŋ, a yiì, é wíri wáa neŋ ji dèʼ, là kinyo ké a fàn.