Ŋgàn 1:27 - ŊWÀʼ NYÙY

²⁷ Fane yíi sùm ven é njà kinsəm, é ŋgeʼ si sum ven moo kiìkir. Vèn lóo buʼ, lóo kfər sóŋ, é m wáa sheʼ ven sheʼén.

Ŋgàn 1:27 Referans Kwoze

Ŋwàʼ woó Rom 2:9

Wír ve vé‑eè yii a dzə̀ vinyo ve bi ví adzə̀me wíy nəə́ e ŋgeʼ ye tavín ye dzə̀ á wàa yu nyár, a saŋrí, kìn ŋgaàŋ dzə̀ wír woó Juda ve vé‑eè tòmbìy yù kinyo ke Nyùy, kìn wír woó kitum ke sən kí.

Nahum 1:3

Nyùy Tàr yòʼ táv shwiiy kilòŋ, yii bèy, a wù kér vitaáví ve wiy ví. Wù maʼ ŋgeʼ e mbùʼtìvìnyò kitu, a bó yòʼ dzə̀ wù bàvtí wun. Nyùy Tàr shaa e kirə̀ʼ, kiìkir kòʼ. Mbàʼ dzə̀ kibvər ke wúu rəə́ tsər, a kí kóʼó.

1 Tesalonika 5:3

A kí wíy a dzə jii, wíri wíy lòo suúy ji á bòy ne, a vinyo vi sì nyaáŋ, é ŋgeʼ nèn sàsìn, e gbù mo wiíy yù wán. Yì gbu bèy, é yì nèn sə̀tí áwune, é la á yòʼ dzəə bòy.

Aysaya 17:13

Kiyor ke kí kóʼ fo vitum ki sì moo ke kí kóʼ fo ndzəv ye kuʼùné. Yii bèy, Nyùy Tàr yíi suŋnín, é vitúm vìn vi léʼkír. Ví yíi ŋeemé, e lày moo vishaárín ve shwéri feer fo agwan, e lày moo beʼmàʼ wo kìrkir shoʼoyin, a kuúr, a dù sho.

Nsùyrì Nyùy 58:9

Á ku laàr áwune é kimbùmmbúm, aá lay cér, e shaà mo kì dzə̀ ntòn yù və́y.

Ŋwàʼ Jov 27:9

Ŋgeʼ si dzər e wun kitu, Nyùy kfə̀n dzəə yù tóŋ rə́ á?

Jeremia 23:19

Vèn leéy, e yèn dòʼshwiiy Nyùy Tàr. Wù kòʼ ne moo kinsəm, a wìy moo kiìkir wo biibí, a wù lo, e shùʼùy e vé yìi kisaŋé kitu.