Ŋgàn 1:26 - ŊWÀʼ NYÙY

²⁶ bo ŋgeʼ si yíi nəə́ ven, é m wáa sheʼ ven shéʼén. Vèn yíi a fàn, a yàʼ, é m wáa te a dzə̀ lám.

Ŋgàn 1:26 Referans Kwoze

Nsùyrì Nyùy 37:13

Yii bèy, Nyùy Tàr leey wír ve á méŋ wun, shéʼ sheʼén. Wù kì ji kishiíy kí wiyì ke wun wíy màʼ ŋgeʼ aáwuné kitu.

Nsùyrì Nyùy 2:4

Nyùy Tàr dzə́ kfə́ e wun kàvàʼ e yuv, leey áwune, shéʼ sheʼén.

Ŋgàn 10:24

Kinyo ke wìr wo wù méŋ Nyùy, fanè, kí kù yíi koóy wun, a ké wìr wo wù yúnin Nyùy ki dzə̀, a wù kù yíi a ker ke shilív sə́ shí tíy sho.

Ŋwàʼ Luk 14:24

Kú a kiíy ji bó yòʼ dzə̀ wír fo ve mò‑oò biin fó mbìy vìyi yiì lùʼ kifá kém ké yi e wùn shuù.› »

Ŋgàn 6:15

Bìʼ bey, bó shintàm shi yòʼ‑óò dar, a bó kinyo ki súm wun, a bó dzəə̀ ye wù kúy yòʼ kfə̀n wíy a dzə.

Atǎr Nsaʼ 10:14

Ŋgeʼ si lóo dzə̀r ven, vèn dù, a toŋ aànyùy ve vèn ghvə́mée, aá wáa bòyìr ven.»

Remrí 28:63

Mo Nyùy Tàr‑iì keerin shií wó a yiì, é vèn wáa yu vijuŋ, e kfə̀n a yiì, é vèn wáa kùʼ, bo kù dzə̀ mo Nyùy Tàr wíy keerí shií wóo laàr ven, e səʼsí, e meé mo wù wíy tuŋ ven, e fəə́r fo nsay ye vèn sí du, e nəə́ sho ji á yov.

Nsùyrì Nyùy 59:8

Rúrú, Nyùy Tàr, à shéʼ ké áwune shéʼén. À ŋwáy vitúm vee shooy ŋwáyín.

Ŋgàn 3:34

Rúrú, Nyùy Tàr méŋ wír ve á shéʼ wun, yén a dzə̀ vitú vév. Wù leey wír ve á néŋ e wun si, shám áwune.

Ŋgàn 12:8

Wìr lóo yiì vinyo ve ví kér vifií, wíri wàa burí wun. Wìr lóo yiì kinyo kee là vifií, wíri wàa kay wun.

Ŋgàn 19:29

Wír ve á shéʼ Nyùyi kù wíy a ker ŋgeʼlàʼ, é ŋgwàne shóʼ ndzə̀m viyùŋ.