Ŋgàn 1:24 - ŊWÀʼ NYÙY

²⁴ Mo m rə́si tír ven, a vèn tén fóo yu, kwar ven, a bó wìr yòʼ kér ghán,

Ŋgàn 1:24 Referans Kwoze

Ŋwàʼ woó Rom 10:21

A Nyùy suuy ké wìr veé Isray jii, «M kù rə́si shiy wír vìn ji m mán vinyo vév, aá kù táv kitú, fáŋnin fàŋnín.»

Aysaya 65:12

m yíi yiì, é vèn kpú kpú mensəə. Kù yíi lò ven, e gvəʼə́r vitú vén, é bo á sheti. Kí kér fó wìy koóy bèy, bìʼ fo mò‑oò jàŋèn ven, vèn tén fóo ghay, a suŋnín e vèn, vèn tén fóo yuurí.»

Jeremia 7:13

Mo woo Nyùy Tàr, m nén a kàʼ ven jii, mo vèn yiìn ne vin vee vinyo, m súŋnín e vèn akàŋ akàŋ, la vèn yòʼ yuùrí, m jáŋ ven, la vèn yòʼ biìmé,

Aysaya 66:4

Bìʼ bey, mo woo Nyùy Tàr yíi màʼ ŋgeʼ aáwuné kitu, e yiì, é kinyo ke áwune fan fànèn kí wáa dzə kíwun ke kí lo, e koóy áwune. M yíi màʼ ŋgeʼ aáwuné kitu, bìʼ fo mò‑oò jàŋèn áwune, á tén fóo ghay, a suŋnín aáwune, á tén fóo yuurí. Áwune ló fó fo, a bùʼtì a dzə̀ vinyo e mǒ si, a dù duùn fó mbìy, e kù toòmé a dzə̀ kinyo ke kisaŋ ki, liì, aá kì ji wù tínsin a mo.»

Esiker 8:18

Bìʼ bey, m lo, e dìn dòʼshwíiy wom aáwuné kitu. Bó m yòʼ lo, e leéy, e bavtí, a bó m yòʼ yíi a rər mendzən mev. Aáwune fèn tòŋ e mǒ vitùʼùr, a waamé waamén, bo bó m yòʼ yíi yuurí.»

Aysaya 50:2

Mò‑oò wìy ji m luŋer ven, yiì ka, la wìr yòʼ a dzə wóo yuurí? Yì‑iì yiì ka, é bo m wáa suúy kinyo, é la wìr mòʼón yòʼ a bìnèr fo věn mvəm? Vèn kwaʼ ji bó m yòʼ kér mbòv wóo tin ven shó fo vikwàn, a bó m yòʼ kér kitar kée bòyìr ven shó à? A dzə̀ m sùŋnín suŋnín, rìbà ndzə̀v yùm, ndzə́v sí yùm, sə́ si toòŋé kilòŋ ke yumén kí, e kpùkír.

Nsùyrì Nyùy 31:20

À litì áwune e wò ghaŋ, bìʼ menàŋ me wìr msòŋ. À kér áwune kijuŋ e wò sar kikfəvsì, bìʼ liy se aŋgaà vév vibàn.

Lim Aŋgàa Ntum 4:30

Ku yiì, é vèr wáa fèr wíri, a yiì viŋgaʼnìn ve vinyò e Jesus woo Ŋgaà wò Lìm wo juŋ yir, é wíri wáa yen vitaáví vé.»

1 Samuel 28:6

Wù beè Nyùy Tàr shó, la Nyùy Tàr yòʼ fə̀m bìnèr wun e njèm, kìn e Urim wùn Tumim, kìn ji wù shaa fo aŋgàa ntum vəə́.

2 Wòŋ 36:16

Nyùy Tàr‑iì tsə́nsi aŋgàa ntum və́ bey, a wír veé Judàa shéʼ áwune shéʼén, keŋ kèŋèn, nèn ŋwáy jí se wun woo Nyùy. Kù bey, e dù, e meé mo dòʼshwiiy Nyùy Tàr‑iì ŋaʼayin, e kìʼ áwune vee wír və́, a kifá ke dzə̀ kí sə̀r wun ki yòʼ dzə̀.

Ŋgàn 29:1

Wìr wo á tír wun, a wù ŋwáy ntir, kù yíi sàsìn, e gbù, a bó dzəə̀ lùŋ yòʼ kfə̀n dzə̀.

Aysaya 65:2

Fə̀m mo wír veé Israyi‑iì sə́ kóy vèr áwune, m kù‑uù rə́si shiy áwune ji m mán vinyo vév. Áwune kù yii a dzə̀ vinyo ve kisaŋ vi, kù tíy e kinyò a dzə̀ ke kí gheen áwune.

Jeremia 9:6

Á kù sí waʼrì, yúy wíri e séʼ wo á sə́, kuvrì a dzə̀ kiŋkùvrì. Áwune tèn ne fóo binsí mo ji Nyùy.» Suuy Nyùy Tàr.

Jeremia 35:17

Á bèy, mo woo Nyùy Tàr woo Taà Mànjòŋ, mo woo Nyùy wìr veé Isray nén a suúy jii, vèn yuúri yù, m lo, e màʼ ŋgeʼ ye mò‑oò yòŋèn e dzə̀m e wír veé Juda wùn à wìr dzə̀m woó Jerusalem kitu, a dzə̀ bìʼ fo m suŋnin aáwune, la á yòʼ yuùrí. M jáŋ áwune, á tén fó biimé.»

Jeremia 44:16

«Mo à fə̀m fiʼtì kinyo kìn e vèr ji tùm Nyùy Tàr wò bèn, bó yòʼ dzə̀ vèr yuùrí.

Sekariya 7:13

Wù‑uù sùúy jii, «Mò‑oò sùŋnín, áwune tén yú, áwune lòo toŋ, m tén gháy.

2 Wòŋ 33:10

Nyùy Tàr‑iì súŋnin e Manasse wùn à wír vəə́, aá yòʼ kwe.

Ŋwàʼ Jov 33:14

Rúrú, Nyùy lo, wù sùŋnín é dzəə sí dzəə sí, yii bèy, a bó yòʼ dzə̀ wìr gwàrìr.